រូបភាពចាប់ដោយផ្កាយរណបបានបង្ហាញថា ប្រទេសកូរ៉េខាងជើងកំពុងសាងសង់ទីតាំងបាញ់រុកកែតឡើងវិញ ដែលកន្លែងនោះ ប្រទេសផ្តាច់ការមួយនេះសន្យាថានឹងរំលាយវាចោល។
រូបភាពនៃការស្តារកន្លែងបាញ់រុកកែតនេះ ត្រូវបានចាប់ ២ថ្ងៃក្រោយពេល មេដឹកនាំកូរ៉េខាងជើង និងអាមេរិច បញ្ជប់កិច្ចប្រជុំកំពូលរបស់ពួកគេ ដោយមិនសម្រេចបានកិច្ចព្រមព្រៀងអ្វីឡើយ។
ទីតាំង Tongchang-ri ត្រូវបានកូរ៉េខាងជើងប្រើប្រាស់សម្រាប់បាញ់បង្ហោះផ្កាយរណប និងការធ្វើតេស្តម៉ាស៊ីន ប៉ុន្តែមិនដែលប្រើប្រាស់សម្រាប់បាញ់សាកល្បងមីស៊ីនោះឡើយ។
របបនេះបានធ្វើការចាប់ផ្តើមរំលាយទីតាំងនោះកាលពីឆ្នាំមុន ប៉ុន្តែក៏បានបញ្ឍប់ទៅវិញ ក្រោយកិច្ចចរចារជាមួយអាមេរិចមិនដើរទៅមុខ។
ការប្តេជ្ញាចិត្តក្នុងការរំលាយទីតាំងបាញ់រុកកែតរបស់កូរ៉េខាងជើង ត្រូវបានគេមើលឃើញថាជាវិធានការកសាងទំនុកចិត្តរបស់វាទីក្រុងព្យុងយ៉ាង និងវ៉ាស៊ីនតោន។
នៅពេលជាមួយគ្នានេះដែរ អាមេរិចព្រមានដាក់ទណ្ឌកម្មបន្ថែមទៀត ប្រសិនកូរ៉េខាងជើងមិនចាត់វិធានការដើម្បីរំសាយអាវុធនុយក្លេអ៊ែរនោះទេ៕ សុភ័ក្ត្រ
ប្រភព៖ BBC