នេះជាខណៈពេលដ៏រន្ធត់ដ៏ពុំនឹកស្មានមួយ នៅពេលដែលនារីជាបុគ្គលិកធ្វើការកាន់ខាងផ្នែកកុំព្យួទ័រម្នាក់ នៅក្នុងស្ថាប័នមួយ បានរងរបួសរលាកផ្ទៃមុខយ៉ាងធ្ងន់ធ្ងរ បន្ទាប់ពីរងទទួលឥទ្ធិពលនៃការផ្ទុះទូរស័ព្ទរបស់ ខណៈពេលដោតសាកថ្ម នៅលើតុធ្វើការ ។
តាមរយៈវីដេអូឃ្លីប បានបង្ហាញឲ្យឃើញនារីជាបុគ្គលិកម្នាក់ ដែលត្រូវបានគេជឿថារស់នៅក្នុងប្រទេសម៉ាឡេស៊ី បានកំពុងធ្វើកិច្ចការងាររបស់នាងនៅលើកុំព្យូទ័រ ។ ប៉ុន្តែ មួយសន្ទុះក្រោយមក ស្រាប់តែទូរស័ព្ទរបស់នាងដែលកំពុងសាកថ្មក្បែរកុំព្យួរទ័រ បានផ្ទុះឡើងយ៉ាងខ្លាំងក្លាបែកផ្កាភ្លើងប្រឆាំងនឹងផ្ទៃមុខរបស់នាងយ៉ាងពេញទំហឹងតែម្តង ។
ភ្លាមៗនោះ នាងបានស្រែកយ៉ាងឈឺចាប់បំផុត ធ្វើឲ្យមនុស្សម្នាជាច្រើនភ្ញាក់ផ្អើល ប្រញាប់ប្រញាល់មកជួយសង្គ្រោះនាង ។ ប៉ុន្តែ ដោសារតែរបួសធ្ងន់ធ្ងរខ្លាំងពេក នាងបានដេកដួលនៅលើកម្រាល និងត្រូវបានគេបញ្ជូនទៅកាន់មន្ទីរពេទ្យជាបន្ទាន់ ៕ រក្សា
