ភ្នំពេញ ៖ បន្ទាប់ពីមានប្រតិកម្ម និង ការលើកឡើងថាប្រាក់រង្វាន់មេដាយមាសរបស់កីឡាកាយវប្បកម្មកម្ពុជាត្រូវក្រសួងអប់រំយុវជន និង កីឡាស៊ីដាច់អស់១០០លានរៀលនោះលោកអ៊ុក សិទ្ធិជាតិអគ្គនាយកនៃអគ្គនាយកដ្ឋានកីឡាបានធ្វើសន្និសីទកាសែតមួយនាល្ងាចថ្ងៃទី៨កីនាដើម្បីពន្យល់ពីបញ្ហានេះ ។
លោក Shally D Tounដែលជាគ្រូបង្វឹក កីឡាករកាយវប្បកម្មហើយ ក៏ជាកីឡាករកាយវប្បកម្មផងដែរ នៅថ្ងៃទី 8 ខែមីនាឆ្នាំ 2014 បានសរសេរលើផេកហ្វេសប៊ុកផ្លូវការ្ម ពាក់ព័ន្ធនឹងប្រាក់រង្វាន់កីឡាករកាយវប្បកមរបស់កម្ពុជាមួយរូប ដែលបានឈ្នះមេដាយមាសពិភពលោក នៅប្រទេសថៃេ ដោយមិនទទួលបានប្រាក់រង្វាន់លើកទឹកចិត្តពេញលេញ 120 លានរៀល បែរជាបានត្រឹមតែ 20 លានរៀលប៉ុណ្ណោះ ដោយក្រសួងអប់រំថាមេដាយមាសនេះ មិនមានលក្ខណៈពេញលេញដូចមេដោយមាសអ្នកផ្សេងៗទៀត ដោយលោកបានលើកឡើងថា បើក្រសួងធ្វើបែបនេះ និងលែងមានកីឡាករណា ទៅប្រកួតយកមេដៃដើម្បីជួយជាតិនោះទេ ព្រោះប្រាករង្វាន់ត្រូវបានបាត់បង់ស្ទើរ 100 ភាគរយព្រោះក្រសួងអប់រំចេះតែភ័ន្តច្រឡំរហូត ហើយបើភ័ន្តច្រឡំរបៀបនេះតើអោយកីឡាកររំពឹងអ្វី។
លោកបានបន្តថា ទោះជាយ៉ាងណា ខ្ញុំក៏ជាគ្រូបង្វឹក និងជាកីឡាកមួយដែរ សូមមានយោបល់ខ្លះ! ព្រោះជាជាងផ្តល់ដំណោះស្រាយមួយជូនកីឡាក បែជាព្យាយាមរកការបកស្រាយដែលពុំមានភាពច្បាស់លាស់។ ឈ្មោះថា មេដាយមាសដូចគ្នា តែវិញ្ញាសារខុសគ្នា ខាងក្រសួងអប់រំយុវជននិងកីឡា បានដឹងច្បាស់ពីហេតុផលនេះណាស់! សូម្បីតែម៉ូតូសារ៉ែន ១គ្រឿងទៅទទួលក៏គ្មានដែរ។ ក្រសួងថាមិនធ្លាប់ដឹង ពីសេចក្តីប្រកាសអន្តរក្រសួង បើចឹងតាមអ្វីដែលកីឡាករនិយាយ ថាឆ្នាំ ២០១៦ ឆ្នាំ២០១៧ គឺពុំមានបញ្ហា ហើយខ្លួនទទួលបានរង្វាន់លើកទឹកចិត្តពេញលេញក្រោយទទួលបានមេដាយមាសរបស់ខ្លួន តើហេតុអ្វីក៏សេចក្តីប្រកាស ហើយក្រសួងមិនដឹង!? ក្រសួងអប់រំគ្រាន់តែនិយាយក៏គ្មានមូលដ្ឋានត្រឹមត្រូវផង គ្មាន៥១វិញ្ញាសារទេ។ បើតាមការសំភាសន៍ live របស់កីឡាករសុភ័ណនោះ ។ ហើយតាមរៀបរាប់ គឺវិញ្ញាសារខុសពីអ្វីដែលក្រសួងនិយាយ។
ហើយហេតុអ្វីបានជាមិនពេញលេញសម្រាប់តែកីឡាករកម្ពុជា សំបូរ សុភ័ណ? ចុះប្រទេស៥០ទៀតហេតុអ្វីបានជាពួកគេពេញលេញ?
ទង់ជាតិ និងភ្លេងជាតិកម្ពុជាបានបន្លឺឡើងក្រោយពេលកីឡាករសំបូរ សុភ័ណ ត្រូវបានប្រកាសថាជាម្ចាស់មេដាយមាស។ តើសមទេដែល ភ្លេងជាតិ និងទង់ជាតិកម្ពុជាយើង បន្លឺឡើង និងបក់រវិចលើឆាកអន្តរជាតិ ជាង៥០ប្រទេ អបអរសារទរ ហើយបកស្រាយថាម្ចាស់មេដាយមាសមិនពេញលេញនោះ??? តើក្រសួងអប់រំ និយាយបែបនេះកំពុងលើកតម្កើងជាតិសាសន៍របស់ខ្លួន ឬក៏កំពុងបន្តុះបង្អាប់ជាតិសាសន៍របស់ខ្លួនឯង?
បើសិនជាឯកសារខាងក្រសួងនេះជាការពិត នោះហេតុអ្វីក្រសួងចាំបាច់ប្រើពាក្យថាទាល់តែសុំប្រាក់ឧបត្ថមជាពិសេសទើបបាន១២០លានរៀលធ្វើអ្វី?
ហេតុអ្វីក្រសួងហ៊ានវាយតម្លៃមេដាយមាសពិភពលោកជាលក្ខណះក្នុងស្រុកបន្ថែមលើមេដាយមាសដែលពិភពលោករៀបចំ និងផ្តល់ជូនជាសកលរួចហើយនោះ?
រឿងច្រឡំគឺពិតជាមាន តែក្នុងឋានះជាក្រសួង មិនគួរប្រើពាក្យថាច្រឡំឡើយលើករណីបែបនេះ ហើយច្រឡំរាប់ឆ្នាំទៀត ព្រោះប្រាក់លើកទឹកចិត្ត ពី១២០លានរៀល មក២០លានរៀល គឺខុសគ្នាឆ្ងាយណាស់។ បើរវល់តែច្រឡំបែបនេះ តើអោយកីឡាករកម្ពុជាយើងទុកចិត្តម្តេចទៅនៅពេលក្រោយៗ? គួរមានគណៈកម្មការចំរុះ និងធានាឲ្យបានយុត្តិធម៌ដល់កីឡាករកម្ពុជា!។
សូមបញ្ជាក់ថាកីឡាករកាយវប្បកម្មកម្ពុជាបានចូលរួមប្រកួតក្នុងព្រឹត្តិការណ៍មួយដែលមានឈ្មោះថា 10th
WBPF World Competition 11-17December 2018 Chiangmai city Thailand ដោយកីឡាករកម្ពុជាមួយ
រូបឈ្មោះសំបូរ សុភណ្ឌដណ្ដើមបានមេដាយមាសលើវិញ្ញាសាMen Sports Physique Up to 175 Cm ។ ជាមួយនឹងជ័យជំនះនេះកីឡររូបនេះ និង គ្រូបង្វឹកគឺលោកស៊ឹម សុភមង្គលរស្មីដែលជាប្រធានសហព័ន្ធផង
នោះបានទទួលរង្វាន់លើកទឹកចិត្តពីរាជរដ្ឋាភិបាល ។
មេដាយមាសនៃព្រឹត្តិការណ៍នេះបានទទួលរង្វាន់លើកទឹកចិត្តចំនួន២០.០០០.០០០រៀល ឯ គ្រូបង្វឹកក៏បានការ
លើកទឹកចិត្ត២០.០០០.០០០រៀលដែរ ។
បន្ទាប់ពីបានទទួលរង្វាន់ហើនោះទាំងគ្រូបង្វឹកដែលជាប្រធានសហព៧ន្ធផងនោះ និង កីឡាករសំបូរ សុភណ្ឌ
បានប្រតិកម្មថាក្រសួងអប់រំកឹមកេងលុយរង្វាន់របស់ពួកគេអស់១០០.០០០.០០០រៀលព្រោះរង្វាន់របស់ពួកគេដែលត្រូវបាននោះមានចំនួន១២០.០០០.០០០រៀលឯណោះ ។ ជាមួយនឹងប្រតិកម្មបែបនេះបានធ្វើឲ្យបណ្ដាញហ្វេសប៊ុកមួយចំនួនបានបន្ទរតាមទាំងមិនបានដឹងថាតើការប្រកួតក្នុងព្រឹត្តិការណ៍បែបណាបានទទួលរង្វាន់ប៉ុណ្ណាៗនោះ ។ លោកអ៊ុកិ សិទ្ធិជាតិអគ្គនាយកកីឡាបានកោះហៅសហព័ន្ធ រួមជាមួយសមាជិកប្រតិបត្តិ និង សាមីកីឡាករផ្ទាល់មកបំភ្លឺតែអ្វីៗហាក់ដូចជាមិនទាន់ស្ងប់នៅឡើយ ។
នៅចំពោះមុខអ្នកកាសែតលោកអគ្គនាយកកីឡាបានពន្យល់ថានៅក្នុងអនុក្រឹត្យរបស់រដ្ឋាភិបាលស្ដីពីការផ្ដល់ប្រាក់រង្វាន់ចំពោះជ័យលាភី និង ប្រាក់ឧបត្ថម្ភចំពោះគ្របង្វឹកក្នុងការប្រកួតកីឡាជាលក្ខណៈអ្នតរជាតិលេខ៥៣២ អនក្រ-បក ចុះថ្ងៃទី២៥វិច្ឆិកាឆ្នាំ២០១៣ដែលស៊ីញ៉េដោយសម្ដេចអគ្គមហាសេនាបតីតេជោហ៊ុន សែនពុំមានចែងស្ដីពីការផ្ដល់រង្វាន់ចំពោះការប្រកួតក្នុងព្រឹត្តិការណ៍បែបនេះទេ ។គឺមានចែងតែការប្រកួតកីឡាអាស៊ីអាគ្នេយ៍(SEA Games) ការប្រកួតកីឡាអាស៊ីរដូវក្ដៅ និងរដូវរងា (ASIAN Games) និងកីឡាអូឡាំពិកទាំងរដូវក្ដៅ និងរងា(Olympic Games)តែប៉ុណ្ណោះ ។
តែនៅក្នុងមាត្រាទី៧នៃអនុក្រឹត្យនោះបានចែងថាជាតិក្រៅពីការប្រកួតដូចមានចែងក្នុងមាត្រា៣ដែលមាន(ស៊ីហ្គេម កីឡាអាស៊ី និង កីឡាអូឡាំពិក)ត្រូវបានផ្ដល់ប្រាក់រង្វាន់តាមប្រកាសអន្តរក្រសួងស្ដីពីគោលការណ៍សម្រាប់ហ្វឹកហាត់និងការប្រកួតកីឡាជាផ្លូវការគ្រប់ប្រភេទប្រចាំឆ្នាំ) ។ នៅក្នុងសេចក្ដីប្រកាសអន្តរក្រសួងលេខ៧១៦សហវ-ប្រកស្ដីពីគោលការណ៍សម្រាប់ប្រមូលផ្ដុំហ្វឹកហាត់ ក្រុមជម្រើសជាតិ និង ការប្រកួតលក្ខណៈអន្តរជាតិផ្លូវការប្រចាំឆ្នាំចុះថ្ងៃទី៧កក្កដាឆ្នាំ២០១៥ចុះហត្ថលេខាដោយរដ្ឋមន្ត្រីក្រសួងអប់រំយុវជន និងកីឡាហង់ជួន ណារ៉ុន និងរដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុអូន ព័ន្ធមុនីរ័ត្នត្រង់ចំណុច(ខ)ស្ដីពីប្រាក់រង្វាន់លើកទឹកចិត្តកីឡាករ-កីឡាការិនីជើងឯកតាមប្រភេទកីឡា(Championship)ត្រង់ចំណុច (ខ១)ស្ដីពីការប្រកួតជើងឯកពិភពលោកបានបញ្ជាក់ថារង្វាន់មេដាយមាសបាន២០.០០០.០០០រៀល មេដាយប្រាក់ បាន១៦.០០០.០០០រៀល និង មេដាយសំរិទ្ធបាន១៣.០០០.០០០រៀល ។
រង្វាន់២០.០០០.០០០រៀលគឺជារង្វាន់ដែលកីឡាករសំបូរ សុភណ្ឌបានទទួលដោយត្រឹមត្រូវពីរដ្ឋាភិបាលតាម
រយៈសេចក្ដីប្រកាសអន្តរក្រសួងនេះ ។
លោកអ៊ុក សិទ្ធិជាតិអះអាងថានេះជារង្វាន់របស់រដ្ឋាភិបាលដែលផ្ដល់តាមសេចក្ដីប្រកាសអន្តរក្រសួងរូប
លោក និង ក្រសួងអប់រំយុវជន និង កីឡាធ្វើអ្វីៗស្របទៅតាមគោលការណ៍ដែលកំណត់ទាំងអស់មិនមែនក្រសួងអប់រំយុវជន និង កីឡាលេបប្រាក់រង្វាន់កីឡាកររូបនេះអស់១០០.០០០.០០០រៀលនោះទេ ៕ ដោយ ៖ កូឡាប
