បន្ទាយមានជ័យ ៖ ប្រជាពលរដ្ឋ និវត្តិជន និងកុមារ ដែលកំពុងសម្រាកព្យាបាលនៅក្នុងមន្ទីពេទ្យបង្អែកស្រុកព្រះនេតព្រះ ស្រុកព្រះនេត្រព្រះខេត្តបន្ទាយមានជ័យ ត្រូវបានយកចិត្តទុកដាក់ សួរសុខទុក្ខ និងផ្ដល់អំណោយសប្បរសធម៌ នាថ្ងៃទី១៩ធ្នូ២០១៧។
លោកលី សារី អភិបាលរងខេត្តនិងជាប្រធានគណៈកម្មាធិកាសាខាកាកបាទក្រហមខេត្តបន្ទាយមានជ័យ លោកឃូ ពៅ អភិបាលស្រុកព្រះនេតព្រះ និងអភិបាលរង សប្បរស់ជននិងក្រុមការងារនាំអំណោយនិងថវិការមួយចំនូនប្រគល់ជូនអ្នកជម្ងី ៥០នាក់ ដែលកំពុងសម្រាកព្យាបាលក្នុងមន្ទីរពេទ្យបង្អែកមួយនេះ។
លោកវេជ្ជបណ្ឌិត ភុំ បូរិនសាក់ ប្រធានការិយាល័យស្រុកប្រតិបត្តិស្រុកព្រះនេតព្រះ និយាយថា ៖ ក្នុងខែធ្នូនេះ ដែលជារដូវត្រជាក់ មន្ទីរពេទ្យទទួលអ្នកជម្ងឺមកសម្រាកព្យាបាលបានចំនួន៥០នាក់ ក្នុងនោះ ៨០ភាគរយ ជាជម្ងឺរលាកផ្លូវដង្ហើម លើមនុស្សចាស់ និង១០ភាគរយ ជាកុមារមានជម្ងឺផ្ដាសាយ។ ក្រៅពីនោះមានអ្នកជម្ងឺរបេងនិងជម្ងឺទូទៅ។
លោក ភុំ បូរិនសាក់ និយាយបន្តថា ៖នៅក្នុងមន្ទីរពេទ្យមិនមានអ្នកជម្ងឺឈឺធ្ងន់ធ្ងរនោះទេ។
លោក លី សារី អភិបាលរងខេត្ត និងជាប្រធានគណះកម្មាធិកាសាខាកាកបាទក្រហមខេត្តបន្ទាយមានជ័យបាននិយាយថា : ក្នុងនាមរដ្ឋបាលខេត្ត ក៍ដូចជាសាខាកាកបាទក្រហមខេត្តបន្ទាយមានជ័យ តែងតែយកចិត្តទុកដាក់ចំពោះប្រជាពលរដ្ឋទូទៅ ។ ពិសេសពលរដ្ឋដែលមានជម្ងឺសម្រាកព្យាបាលក្នុងមន្ទីរពេទ្យបង្អែកនានាក្នុងខេត្ត ដូចក្នុងពេលនេះក្មរុកការងារបានចុះសួរសុខទុក្ខ អ្នកជម្ងឺដែលកំពុងសម្រាកព្របាលនៅក្នុងមន្ទីរពេទ្យនេះ។
លោកផ្ដាំផ្ញើផងដែរចំពោះអ្នកជម្ងឺរថែរក្សាសុខភាពដោយប្រត្តិបត្រតាមវេជ្ជបញ្ជារបស់គ្រូពេទ្យ ដោយរដូវនេះជារដូវត្រជាក់ផងនោះ ត្រូវប្រយ័ត្នប្រយែងអគ្គីភ័យកើតឡើងបណ្ដាលមកពីការអាំងភ្លើងភ្លក់។
នាឱកាសនោះលោក លីសារី បានផ្ដល់ជូនមីមួយចំនួនដល់ក្រុមគ្រូពេទ្យ និងសំណូមពរអោយថែរក្សាអ្នកជម្ងឺអោយដូចសាច់ញាតិរបស់ខ្លួនដើម្បីអោយអ្នកជម្ងឺឆាប់ជាសះស្បើយឡើងវិញ៕ ដោយ ៖ បន្ទាយ