ស្ត្រីជាម្តាយម្នាក់បានសម្រេចចិត្តរក្សាទុកសាកសពកូននៅក្នុងផ្ទះ ហើយអ្វីៗប្រព្រឹត្តទៅដូចធម្មតាពេលដែលកូនរបស់គាត់នៅមានជីវិតអីចឹង ។
កូនប្រុសគាត់កាលនៅរស់ ជាអ្នកបើករថយន្តតាក់ស៊ី ។ គាត់ឈឺធ្ងន់ ហើយសំរាកព្យាបាលអស់ពេល ២ ឆ្នាំ មុនពេលលាចាកលោកក្នុងវ័យ ៥០ ឆ្នាំ ។
ក្រោយពេលកូនស្លាប់ គាត់បានសម្រេចចិត្តទុកសពអស់កាល ៨ ឆ្នាំ មកហើយៗ ពុំមានអ្នកណាម្នាក់ដឹងទេ ។ ក្រោយបែកការណ៍ ខ្លះថាប្រហែលគាត់ឆ្កួតវង្វេង ព្រោះស្រលាញ់កូន ទើបអាចទ្រាំទ្រនឹងការស្អុយរលួយ…បាននោះ ។
រឿងរ៉ាវត្រូវបានបែកការណ៍ ពេលដែលស្ត្រីជាម្តាយចូលសំរាកនៅពេទ្យ ។ សាច់ញាតិម្នាក់បានទៅផ្ទះរបស់គាត់នៅ Brookyln, New York អាមេរិក ទើបឃើញហេតុការណ៍នេះ ក៏រាយការណ៍ទៅប៉ូលីស ។
សូម្បីតាក់ស៊ិដែលកូនប្រុសប្រកបរបរនោះ ក៏ទុកនៅមួយកន្លែងដែរ ។
ទោះបីជាអ្នកផងថា ទង្វើបែបនេះ ពិតជាគួរឲ្យខ្ពើមរអើម និងគួរឲ្យភ្ញាក់ផ្អើល ។ ប៉ុន្តែ មនុស្សខ្លះ និយាយថា ក្តីស្រលាញ់របស់ម្តាយចំពោះកូន ធ្វើឲ្យគាត់រំលងផុតគ្រប់រឿងរ៉ាវ កុំថាឡើយ…ខ្ពើមនោះ! ។
ខ្លះទៀតថា គាត់ប្រហែលជាឆ្កួតទេដឹង! Ok បើគាត់ឆ្កួតព្រោះស្រលាញ់កូន តើមានកំហុសដែរ ឬ ទេ!? ៕ ចន្ទ្រា
