Fabien Farquharson នៅ Sheffield អង់គ្លេស បានផឹកទឺក «ពិសេស» ផលិតដោយខ្លួនឯងអស់រយៈពេល ៣ ឆ្នាំ មកហើយ ។
អ្នករចនាម៉ូតវ័យ ៣៧ ឆ្នាំ រូបនេះ តែងផឹកទឹកនោមរបស់ខ្លួនឯង គ្រាដែលវានៅ «ស្រស់ៗ ហើយពុំទាន់ឡើងមេ» -នេះបើតាម Mirror ។
បុរសចម្លែករូបនេះ បានអានអំពីប្រយោជន៍របស់ទឹកនោមចំពោះសុខភាព ទើបរៀងរាល់ថ្ងៃ គាត់តែងផឹកទឹកនោមប្រមាណពាក់កណ្តាលនៃចំនួនដែលគាត់ «ផលិត» បាន ។ ប្រភពដដែលឲ្យដឹងថា Fabian បានស្រាវជ្រាវអំពីការព្យាបាលជំងឺដោយទឹកនោមពីឆ្នាំ២០១៣ បន្ទាប់ពីគាត់ឈឺក្រពះ ពុំព្យាបាលជា ព្រោះវេជ្ជបណ្ឌិតរកពុំឃើញមូលហេតុនៃជំងឺ… ។
លោកថា មុននេះលោកតែងធ្វើដំណើរច្រើន ហើយ «ប៉ះអីហូបនោះ» ។ វេជ្ជបណ្ឌិតបានទូន្មានឲ្យលោកបរិភោគផ្លែឈើស្រស់ៗ ហើយលោកឃើញថា ធូរស្រាលពីជំងឺបន្តិច ហើយក្រោយមក លោកបានប្រទះឃើញឯកសារអំពីប្រយោជន៍នៃការផឹកទឹកនោមព្យាបាលជំងឺ ។ លោកពោលបន្តៈ «ខ្ញុំសម្រេចចិត្តផឹកទឹកនោមពេលនៅ ‘ស្រស់ៗ’ វាមានរសជាតិល្វីងៗដូចជាស្រាបៀ ។ វាឆ្អេះ តែពុំមែនទ្រាំពុំបាននោះទេ ហើយខ្ញុំមានអារម្មណ៍មិនពិបាកលេបឡើយ» ។
ផឹកបានមួយរយៈ លោកឃើញស្ថានភាពជំងឺក្រពះប្រសើរឡើងជាងការធ្វើតំណមអាហាររបស់គ្រូពេទ្យ ។
កន្លះម៉ោងក្រោយពេលផឹក ខ្ញុំមានអារម្មណ៍ល្អណាស់! ខ្ញុំមានឋាមពលខ្លាំងក្លា ។ ពីនោះមក ខ្ញុំក៏ផឹកវាជាប្រចាំបាន ៣ ឆ្នាំហើយៗ ខ្ញុំនឹងណែនាំភេសជ្ជៈដល់អ្នកទាំងឡាយដែលមានជំនឿដូចខ្ញុំ! ៕ ចន្ទ្រា
មានអ្នកណាហ៊ាសាកល្បងទេ!!