ក្មេងប្រុសចិនម្នាក់បានជាប់គាំងក្នុងបង្គន់ អស់រយៈពេល ២ ម៉ោង ក្រោយពេលវាបន្ទោរបង់បណ្តើរ លេងហ្គេមលើទូរស័ព្ទដៃបណ្តើរ ។
ហេតុការណ៍នេះកើតឡើងនៅទីក្រុង វូហាន ខេត្ត ហ៊ីបៃ ប្រទេសចិន ។ ស្ត្រីជាម្តាយម្នាក់បានទូរស័ព្ទសុំជំនួយពីប៉ូលីស បន្ទាប់ពីនាងពុំអាចជួយកូនឲ្យចេញពីចានបង្គន់បាន ។
ពេលទៅដល់ ភ្ញាក់ងារសង្គ្រោះបានឃើញក្មេងប្រុសកំពុងនៅជាប់ក្នុងចានបង្គន់ ។ ពួកគេក៏ធ្វើការដោះយកចានចង្គន់ចេញ ។ ពួកគេត្រូវប្រើដង្កាប់កាច់បំបែកបន្តិចម្តងៗ ព្រោះពុំអាចប្រើឧបករណ៍ធំៗងាយធ្វើឲ្យក្មេងតូចរងរបួសបាន ។
តាមភ្ញាក់ងារសង្គ្រោះ នោះគឺក្មេងនេះវាអង្គុយលើចានបង្គន់ ហើយគូថវាចលនាតាមហ្គេម ជាហេតុបន្តិចម្តងៗវាធ្លាក់ចូលក្នុងនោះ ។ គេបានប្រើពេល ១ ម៉ោង ដើម្បីសង្គ្រោះក្មេងនោះចេញដោយវារងរបួសជាំគូថ និងភ្លៅទាំងសងខាង ។
នេះគឺជាការព្រមានថ្មីមួយទៀត ចំពោះអាណាព្យាបាលដែលចេះតែរំយើកូនឲ្យលេងទូរស័ព្ទតាំងពីវ័យ ៧ ទៅ ៨ ឆ្នាំ ។
នៅចិនតាមការប៉ាន់ស្មាន ក្មេងៗក្នុងវ័យ ៧ ទៅ ៩ ឆ្នាំ គឺបានចេះប្រើប្រាស់ទូរស័ព្ទឆ្លាតវៃ ដើម្បីលេងហ្គេមយ៉ាងស្ទាត់ជំនាញ ៕ ចន្ទ្រា