ស្នងការដ្ឋាននគរបាលខេត្តត្បូងឃ្មុំ បានឲ្យដឹងថា នៅថ្ងៃទី១០ មីនា ឆ្នាំ២០១៩ នគរបាលខេត្តត្បូងឃ្មុំ បានចុះបង្ក្រាប រុះរើ និងបំផ្លាញ សៃវៀនជល់មាន់ ស្ថិតនៅភូមិទួលសំបូរ ឃុំជប់ និងភូមិទួលខ្សាច់ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ។ យើងខ្ញុំសូម ថ្លែងអំណរគុណ អ្នកសារព័ត៌មាន និងសាធារណជន ដែលបានផ្តល់ព័ត៌មាន ជួយអោយការបង្ក្រាបល្បែងស៊ីសងទាន់ពេលវេលា និងមានប្រសិទ្ធភាព។
ស្នងការដ្ឋាននគរបាលខេត្តត្បូងឃ្មុំ សំណូមពរសាធារណៈជន មេត្តាចូលរួមសហការ និងផ្តល់ព័ត៌មាន ពាក់ព័ន្ធនឹងល្បែងស៊ីសងខុសច្បាប់ ដើម្បីយើងរួមគ្នាបង្ក្រាប អោយអស់ពីមូលដ្ឋាន។ ល្បែងស៊ីសងខុសច្បាប់គ្រប់ប្រភេទ មិនថាទ្រង់ទ្រាយតូច ឬធំ ត្រូវតែបង្ក្រាបឲ្យខាងតែបាន និងបន្តសកម្មភាពដូចភ្លៀងរលឹម ៕ ដោយ ៖ កូឡាប