ភ្នំពេញ ៖ សម្តេចតេជោ បានឲ្យក្រសួងមហាផ្ទៃត្រូវចាត់ វិធានការណ៍ទៅតាមផ្លូវច្បាប់ដើម្បី វែកមុខអ្នកបើកក្លឹបកំសាន្តរ៉ុកដែលបង្កបញ្ហាអសន្តិសុខ នៅក្នុងសង្គម។
ក្នុងឱកាសចែកលសញ្ញាបត្រ ដល់និស្សិតសាលាច្បាប់នៅព្រឹកថ្ងៃទី១១ ខែមីនា ឆ្នាំ២០១៩នេះ សម្តេចបានហៅក្លឹបកំសាន្តរ៉ុបថា ជាកន្លែងអាចម្រៃដែលបំផ្លញសេចក្តីសុខប្រជាពលរដ្ឋ។
សម្តេចបន្តថា “ខ្ញុំសប្បាយចិត្តណាស់ ដែលសមត្ថកិច្ចបង្ក្រាបទាន់ពេលវេលា ។ បង្កើតនៅក្បែរសាលាច់ ត្រូវធ្វើរឿងអីនេះទោសទណ្ឌឲ្យបានស៊ីជំរៅស្វែងរកអ្នក នៅពីក្រោយខ្នងឲ្យឃើញ ដើម្បីជីករឹកគល់ នៃជួញដូគ្រឿងញៀន”។
សូមបញ្ជាក់ថា ក្លឹបកំសាន្តរ៉ុកត្រូវបានសមត្ថកិច្ចចុះ បង្ក្រាបកាលពីថ្ងៃទី២៣ កុម្ភៈ ក្នុងនោះបានឃាត់ខ្លួន ជាង៣០០នាក់។
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបញ្ជាឱ្យកម្លាំង សមត្ថកិច្ចទាំងអស់តាមស្វែងរកមេខ្លោងគ្រឿងញៀន នៅក្លឹបកម្សាន្តរ៉ុក (Rock) ឱ្យឃើញ ហើយត្រូវចាត់វិធានការ តាមច្បាប់ឱ្យបានម៉ឺងម៉ាត់។
សម្តេចតេជោ ហ៊ុន សែន បានសម្តែងភាពរីករាយ ដែលសមត្ថកិច្ចបានបង្រ្កាបសំបុកគ្រឿងញៀន ដ៏ធំមួយ នៅក្នុង ក្លឹបកម្សាន្តរ៉ុក កាលពីខែមុន។ សម្តេចតេជោ ហ៊ុន សែន បានបញ្ជាក់ថា៖ ឆ្លងកាត់អាកន្លែង ចង្រៃមួយនោះ ដែលទើបនឹងរកឃើញថ្មីៗ អារ៉ុក (Rock)។ យើងក៏មានការភ្ញាក់ផ្អើលដែរ ហេតុអ្វីក៏តំបន់មួយនេះ ទៅជាកន្លែងបំផ្លាញ ដល់សេចក្តីសុខរបស់ប្រជាជន ខ្ញុំពិតជាមានការរីករាយណាស់ ដែល នគរបាលរបស់យើង បានបង្រ្កាបទាន់ពេលវេលា គួរតែបង្រ្កាបឱ្យបានមុនហ្នឹងទៅទៀត ប៉ុន្តែយើងទើបតែ បង្ក្រាបបាន ជិតក្បែរសាលាបែរជា មានកន្លែងគ្រឿងញៀនមិនតូចនៅកន្លែងនេះ។
សម្តេចបានបន្តថា ដូច្នេះសង្ឃឹមថា ក្រសួងមហាផ្ទៃ នឹងបន្តចាត់វិធានការ លើបញ្ហានេះបូកជាមួយ ការដំណើរការក្តីរបស់តុលាការ ត្រូវតែម៉ឺងម៉ាត់ ជាមួយ នឹងការមិនវិលត្រឡប់ នៃអំពើពាលាអាវ៉ាសែ សម្រាប់កន្លែងមួយនេះ ដែល ត្រូវដាក់ទោសទណ្ឌ ឱ្យបានធ្ងន់ធ្ងរ ហើយស្វែងរកឱ្យដល់ទីជម្រៅ នូវមេខ្លោងរបស់វានៅកន្លែងណា មិនមែន រករឿង កម្មករតូចតាចទេ ប៉ុន្តែរឿងវាជ្រៅទៅពីនេះ អញ្ចឹងត្រូវរកឱ្យឃើញ ព្រោះអ្វីដែលមាននៅ ក្នុងដៃរួចទៅហើយ គឺជាមធ្យោបាយ ដើម្បីឈានទៅរកការជីករឹសគល់ នៃអ្នកជួញគ្រឿង ក៏ដូចជា អ្នកដែលពាក់ព័ន្ធ ក្នុងសំណុំរឿងមួយនេះ។
ដោយ ៖ បញ្ញាស័ក្តិ