ស្ត្រីឥណ្ឌូនេស៊ីម្នាក់ ដែលរងការចោទប្រកាន់ពីបទសម្លាប់លោក គីម ជុងណាម ត្រូវជាបងប្រុសម្តាយទីទៃ របស់មេដឹកនាំកូរ៉េខាងជើង គីម ជុងអ៊ុន នឹងត្រូវទទួលបានការដោះលែង ក្រោយពេលតុលាការទម្លាក់ការចោទប្រកាន់ប្រឆាំងនាង។
ព្រះរាជអាជ្ញាមិនបានផ្តល់ហេតុផលចំពោះការទម្លាក់ការចោទប្រកាន់លើស្ត្រីឥណ្ឌូនេស៊ីឈ្មោះ Siti Aisyah ឡើយ។
សូមបញ្ជាក់ថា ស្ត្រីឈ្មោះ Siti Aisyah ជាមួយនឹងស្ត្រីវៀតណាមម្នាក់ទៀតឈ្មោះ Doan Thi Huong ត្រូវបានតុលាការម៉ាឡេស៊ីចោទប្រកាន់ពីបទធ្វើឃាតលើលោក គីម ជុងណាម ដោយធ្វើការប៉ាតសារធាតុគីមីពុល VX ទៅលើផ្ទៃមុខរបស់លោក នៅព្រលានយន្តហោះកូឡាឡាំពួរ កាលពីឆ្នាំ ២០១៧កន្លងទៅនេះ។
ប៉ុន្តែជនជាប់ចោទទាំងពីរបានបដិសេធចំពោះការចោទប្រកាន់នោះ ដោយពួកគេបញ្ជាក់ថា ពួកគេត្រូវបានជួលឲ្យចូលរួមលេងក្នុងកម្មវិធីកំសាន្តទូរសទស្សន៍៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
