ប្រធានាធិបតីអាមេរិច ដូណាល់ ត្រាំ បានថ្លែងនៅថ្ងៃច័ន្ទកន្លងទៅនេះថា ប្រទេសកូរ៉េខាងជើង កំពុងតែអភិវឌ្ឍអាវុធរបស់ខ្លួន ដើម្បីសម្លាប់ប្រជាជនអាមេរិចឲ្យបានរាប់លាននាក់ ខណៈដែល លោកបានបង្ហាញពីយុទ្ធសាស្ត្រថ្មីដើម្បីការពារសន្តិសុខជាតិ។
នៅក្នុងសៀវភៅកំរាស ៦៨ទំព័រ លោក ត្រាំបានបញ្ជាក់ពីអទិភាពរបស់រដ្ឋបាលរបស់លោក ក្នុងការការពារទឹកដី ការលើកតង្កើនភាពរីកចម្រើនរបស់អាមេរិច និងការរក្សាសន្តិភាពតាមរយៈការពង្រឹង និងអភិវឌ្ឍឥទ្ធិពលរបស់អាមេរិច។
លោកថ្លែងដូច្នេះថា” ប្រទេសកូរ៉េខាងជើងកំពុងស្វែងរកសមត្ថភាពក្នុងការសម្លាប់ប្រជាជានអាមេ
រិចរាប់លាន នាក់ដោយអាវុធនុយក្លេអ៊ែររបស់ខ្លួន។ កូរ៉េខាងជើងក៏កំពុងស្វែងរកការ បង្កើតអាវុធ គីមី និងជីវសាស្ត្រដែលអាចបំពាក់លើមីសស៊ីលផងដែរ”។
សហរដ្ឋអាមេរិចបានដាក់ពង្រាយប្រព័ន្ធការពារមីស៊ីលរួចមកហើយ ដោយផ្តោតលើការវាយប្រហារ ពីកូរ៉េខាងជើង និងអ៊ឺរ៉ង ដើម្បីការពារទឹកដី របស់ខ្លួនពីការវាយប្រហារដោយមីស៊ីល។ ប្រព័ន្ធនោះក៏អាចមានសមត្ថភាពកំទិចការគំរាមកំហែងរបស់មីស៊ីល មុនពេលវាបាញ់ចេញ៕ សុភ័ក្ត្រ
