ក្រុមហ៊ុនអាកាសចរណ៍ចិន ត្រូវបានបញ្ជាឲ្យធ្វើការផ្អាកការហោះហើរយន្តហោះប្រភេទ Boeing 737 Max-8 ទាំងអស់ បន្ទាប់ពីយន្តហោះប្រភេទនេះបានធ្លាក់នៅក្នុងប្រទេសអេត្យូពីកាលពីថ្ងៃអាទិត្យ ម្សិលមិញនេះ បណ្តាលឲ្យមនុស្សរាប់រយនាក់ស្លាប់។
ស្ថាប័នគ្រប់គ្រងអាកាសចរណ៍ចិន បានដាក់បញ្ជាថា ក្រុមហ៊ុនអាកាសចរណ៍ក្នុងស្រុកទាំងអស់ត្រូវតែបញ្ឍប់ការធ្វើប្រតិបត្តិការរបស់យន្តហោះប្រភេទ Boeing 737 Max-8 នៅមុនម៉ោង ១៨ (ម៉ោងនៅចិន)។
សូមបញ្ជាក់ថា មានការធ្លាក់យន្តហោះនៅក្នុងប្រទេសអេត្យូពីកាលពីម្សិលមិញ បណ្តាលឲ្យមនុស្សចំនួន ១៥៧នាក់ស្លាប់។
នេះគឺជាការធ្លាក់លើកទី ២ហើយរបស់ប្រភេទយន្តហោះ Boeing 737 Max-8 ក្នុងរយៈពេល ៥ខែប៉ុណ្ណោះ។
នៅក្នុងសេចក្តីប្រកាស រដ្ឋបាលអាកាសចរណ៍ស៊ីវិលចិន បាននិយាយថា ខ្លួននឹងធ្វើពិនិត្យមើល ក្រុមហ៊ុនទាំងអស់ថាតើពេលណាពួកគេអាចបន្តធ្វើប្រតិបត្តិការរបស់ការហោះហើរនៃយន្តហោះប្រភេទនោះវិញ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC