រាជធានីភ្នំពេញ ៖ នគរបាលមូលដ្ឋាន បានចាប់ខ្លួនស្ត្រីជនរងគ្រោះម្នាក់ ដែលលួចដោះខ្សែក មាស ១ខ្សែ ទម្ងន់១តម្លឹង ដែលជនរងគ្រោះផ្ញើទុកនៅជនសង្ស័យ រួចដេកផ្កាប់មុខ ឲ្យជនសង្ស័យកោសខ្យល់ ពេលជនរងគ្រោះភ្លេចខ្លួន ជនសង្ស័យក៏យកកន្ត្រៃកាត់ក្រចកលួចកាត់យកខ្សែក មាស។
ជនរងគ្រោះឈ្មោះ អ៊ឹង ហៀក ភេទស្រី អាយុ៨១ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ៤ស្ទួន ផ្លូវ៣៧១ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ចំណែកជនសង្ស័យឈ្មោះចាន់ ម៉ាំង ភេទស្រី អាយុ៣៥ឆ្នាំ ជនជាតិវៀតណាម មុខរបរ មិនពិតប្រាកដ ស្នាក់នៅចំណុចកើតហេតុ ។
ដោយកាលពីថ្ងៃទី១០ ខែមីនា ឆ្នាំ២០១៩ វេលាម៉ោង១៧និង៣០នាទី ជនរងគ្រោះបានទៅបន្ទប់ជួលរបស់ជនសង្ស័យ នៅចំណុចកើតហេតុដើម្បីពឹងឲ្យកោស ខ្យល់ ពេលទៅដល់ក៏ដោះខ្សែក មាស ១ខ្សែ ទម្ងន់១តម្លឹងផ្ញើទុកនៅជនសង្ស័យ រួចដេកផ្កាប់មុខ ឲ្យជនសង្ស័យកោសខ្យល់ ពេលជនរងគ្រោះភ្លេចខ្លួនជនសង្ស័យក៏យកកន្ត្រៃកាត់ក្រចកលួចកាត់ យកខ្សែក មាស ជនរងគ្រោះបានទម្ងន់១ជី ៥ហ៊ុន រួចប្រើល្បិចនិយាយប្រាប់ជនរងគ្រោះថា ខ្សែមាស លោកយាយដាច់ហើយ ជនរងគ្រោះក៏យកខ្សែក មាសមក ពិនិត្យមើលឃើញមានស្នាម យកកន្ត្រៃកាត់ រួចថ្លឹងមើល ឃើញបាត់ទម្ងន់ដូចខាងលើ ក៏រាយការណ៍ ប្រាប់សមត្ថកិច្ចចុះ ទៅឃាត់ខ្លួនជនសង្ស័យ ហើយធ្វើការត្រួតពិនិត្យលើខ្លួនជនសង្ស័យរកឃើញខ្សែ កមាស មួយកំណាត់ទម្ងន់ ៤ហ៊ុន និងកន្ត្រៃកាត់ក្រចក មួយ រួចក៏បញ្ជូនជនសង្ស័យ មកអធិការដ្ឋាន នគរបាល ខណ្ឌច្បារអំពៅ ចាត់ការតាមច្បាប់ ៕ ដោយ ៖ បញ្ញាស័ក្តិ