ភ្នំពេញ ៖ ប្រធានទីផ្សារក្រុមហ៊ុនប្រេងតេលា ត្រូវបានចៅក្រមស៊ើបសួរសាលាដំបូងរាជធានីភ្នំពេញ ប្រកាសសាលក្រមផ្តន្ទាទោសដាក់ពន្ធនាគារ២ឆ្នាំ៦ខែ ពីបទរំលោភលើទំនុកចិត្តពិសេសដោយអភិបាល និងបង្គាប់ឲ្យសងប្រាក់ទៅក្រុមហ៊ុនតេលាចំនួនប្រមាណ៧២ម៉ឺនដុល្លារ។
លោក រស់ ពិសិដ្ឋ ចៅក្រមស៊ើបសួរសាលាដំបូងរាជធានីភ្នំពេញ នៅព្រឹកថ្ងៃទី១៩ ខែធ្នូ ឆ្នាំ២០១៧នេះ បានប្រកាសសាលក្រមផ្តន្ទាទោសប្រធានទីផ្សារក្រុមហ៊ុនប្រេងតេលា ឈ្មើគុណ ប៊ុនធឿន អាយុ៣៥ឆ្នាំ ត្រូវបានក្រុមហ៊ុនទុកចិត្តប្រគល់តួនាទី ឲ្យប្រមូលប្រាក់ថ្លៃប្រេងទូទាំងប្រទេស ប៉ុន្តែរយៈពេលចុងក្រោយ ក្រុមហ៊ុនតែងតែបាត់បង់នូវប្រាក់ចំណូល ទើបក្រុមហ៊ុនបានឆែកមើល និងផ្ទៀងផ្ទាត់បញ្ជីប្រមូលប្រាក់ ក៏រកឃើញថា មានការបាត់បង់ប្រាក់រហូតដល់ទៅជាង៧២ម៉ឺនដុល្លារ ទើបក្រុមហ៊ុនតេលា បានសម្រេចប្តឹងជនជាប់ចោទរូបទៅកាន់នគរបាលព្រហ្មទណ្ឌកម្រិតស្រាល រាជធានីភ្នំពេញ ចាត់ការតាមច្បាប់៕ ដោយ ៖ បញ្ញាស័ក្តិ
