ភ្នំពេញ ៖ កម្លាំងជំនាញ នៃមន្ទីរប្រឆាំងគ្រឿង ញៀន បានចាប់ខ្លួនបុរសម្នាក់ ដែលជួញដូរគ្រឿងញៀន ជិត១គីឡូ ចំណែកបក្ខពួកម្នាក់ទៀត រត់គេចខ្លួនបាត់។
បើតាមផេកហ្វេសប៊ុក Anti-Drug Department ដែលបានផ្សព្វផ្សាយព័ត៌មាននៅថ្ងៃទី១១ខែមីនានេះថា កាលពីថ្ងៃទី៩ ខែមីនា ឆ្នាំ២០១៩ វេលាម៉ោង១៤និង៣០នាទី កម្លាំងជំនាញ នៃមន្ទីរប្រឆាំងគ្រឿង ញៀន(ក៥) សហការជាមួយសមត្ថកិច្ចនគរបាលខណ្ឌច្បារអំពៅ ដឹកនាំដោយលោកវរសេនីយ៍ទោ ជាវ វណ្ណា នាយការិយាល័យ បានចុះបង្ក្រាបករណី ជួញដូរដោយខុសច្បាប់នូវសារធាតុញៀន នៅចំណុចដីឡូត៍គ្មានលេខ ផ្លូវថៃហ្គ័រ ភូមិទួលតាចាន់ សង្កាត់ព្រែកឯង ខណ្ឌច្បារអំពៅ ។ ជាលទ្ធផល សមត្ថកិច្ចជំនាញ ឃាត់ខ្លួនបានជនសង្ស័យ ១នាក់ ឈ្មោះ ភុំ កក្កដា ភេទប្រុស អាយុ២៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅបន្ទប់ជួល សង្កាត់ស្ទឹងមានជ័យ១ ខណ្ឌមានជ័យ។ ចំណែកបក្ខពួកម្នាក់ទៀត រត់គេចខ្លួនបាត់។
រឹបអូសវត្ថុតាងរួមមាន ៖ គ្រឿងញៀន ក្រាមប្រភេទមេតំហ្វេតាមីន(ICE) ១កញ្ចាប់ធំ ស្មើទម្ងន់ 960,26g ៕ ដោយ ៖ កូឡាប
