គ្រួសារខ្លាទាំងមូលបានចូលក្នុងរថយន្តទំនើបជាបន្តបន្ទាប់ ខណៈពេលដែលអ្នកបើកបរកំពុងអង្គុយក្នុងរថយន្ត។
ខ្សែវីដេអូមួយដែលទើបត្រូវបានចែករំលែកលើបណ្តាញសង្គមបង្ហាញឲ្យឃើញគ្រួសារខ្លាមួយក្រុមបានលូនចូលក្នុងរថយន្ត Roll-Royce Phantom ខណៈពេលដែលអ្នកបើកបរអង្គុយខាងក្នុងជាស្រេច។
តាម Daily Mail តាមពិតទៅអ្នកបើកបររថយន្តនេះ គឺជាសេដ្ឋីម្នាក់ដែលស្រឡាញ់សត្វ ហើយគាត់បានចិញ្ចឹមប្រភេទសត្វជាច្រើន ក្នុងនោះមានខ្លា។ ខ្សែវីដេអូដែលបង្ហោះក្នុង Intragram របស់ Michael Zaretsky បានបង្ហាញពីទិដ្ឋភាពគាត់ចតរថយន្តក្នុងទីលានក្នុងផ្ទះ។ បន្ទាប់មកខ្លាមួយបានចូលតាមបង្អួចត្រង់កន្លែងគាត់កំពុងអង្គុយរំលងផុតពីមុខគាត់ រួចលូនចូលកៅអីខាងក្រោយ។
បន្ទាប់មកទ្វារខាងក្រោយរបស់រថយន្តក៏ត្រូវបានបើកចេញដើម្បីឲ្យកូនខ្លាតូចពីរក្បាលទៀត លូនចូលក្នុងរថយន្ត។ ចុងក្រោយស្សា Zaretsky បានជូនគ្រួសារខ្លាទៅដើរលេងគយគន់ទេសភាពមួយជុំ។
តាមព័ត៌មានលើឆាណែល Youtube របស់ Zaretsky ឲ្យដឹងថា គាត់ជាអ្នកជួយសង្គ្រោះ ចិញ្ចឹមថែទាំពពួកសត្វស៊ីសាច់ជាអាហារត្រូវគេបោះបង់ចោលតាមព្រៃ។ គេបានដឹងថា គាត់ជាអ្នកហ្វឹកហ្វឺនតោ និងខ្លាអស់ពេល ១៧ឆ្នាំមកហើយ៕ សូយន
