ខេត្តពោធិ៍សាត់ ៖ បុរសម្នាក់ស្លាប់និង២នាក់ទៀតរងរបួសធ្ងន់ដោយករណីគ្រោះថ្នាក់ចរាចររថយន្តឡិចស៊ីសបុកម៉ូតូក្រឡាប់បះជើង នៅលើផ្លូវជាតិលេខ៥ចន្លោះគីឡូម៉ែត្រលេខ២០៦-២០៧ ស្ថិតត្រង់ចំណុចភូមិព្រៃផ្តៅ ឃុំបឹងខ្នារ ស្រុកបាកាន ខេត្តពោធិ៍សាត់ កាលពីវេលាម៉ោង១០និង៤៥នាទីព្រឹកថ្ងៃទ១២ ខែមីនា ឆ្នាំ២០១៩។
សមត្ថកិច្ចមូលដ្ឋានបានឲ្យដឹងថា មុនពេលកើតហេតុគេឃើញម៉ូតូធុនហុងដា១គ្រឿងពណ៌ខ្មៅ ពាក់ស្លាកលេខបាត់ដំបង1V-3210 ជិះគ្នា៣នាក់ បើកបរក្នុងទិសដៅពីកើតទៅលិច ខណៈមកដល់ចំណុចខាងលើ ស្រាប់តែមានរថយន្តម៉ាកឡិចស៊ីស១គ្រឿងពណ៌ស្ករ ពាក់ស្លាកលេខភ្នំពេញZZ-4810 បើកបរក្នុងទិសដៅពីលិចទៅកើតបើកបោះពួយយ៉ាងលឿន បើកវ៉ាជែងរថយន្ត១គ្រឿងទៀត ហើយវេរចង្កូតទៅបុកអ្នកជិះម៉ូតូចំពីមុខតែម្តង ហើយត្រឡាប់រថយន្តពីរបីរត្រឡប់ តែមិនបណ្តាលឲ្យរងរបួសអ្នកបើកបររថយន្ត នោះឡើយ តែបណ្តាលឲ្យអ្នកជិះម៉ូតូស្លាប់ម្នាក់ និងអ្នករួមដំណើរ២នាក់ទៀត រងរបួសធ្ងន់ ក្រោយពេលកើតហេតុ ជនរងគ្រោះបានបញ្ជូនទៅមន្ទីរពេទ្យបង្អែកបឹងខ្នារ ចំពោះអ្នកបើកបររថយន្តរត់គេចខ្លួនបាត់ ។
សមត្ថកិច្ចបានបន្តថា ជនរងគ្រោះទី១ ឈ្មោះលឹម ភក្តី ភេទប្រុស អាយុ៣៨ឆ្នាំ ទី២ឈ្មោះជុំ អាង ភេទប្រុស អាយុ៥៩ឆ្នាំ រីឯជនរងគ្រោះម្នាក់ មិនស្គាល់អត្តសញ្ញាណបានស្លាប់ រស់នៅស្រុករុក្ខៈគិរី ខេត្តបាត់ដំបង។
ចំពោះអ្នករងរបួស២នាក់កំពុងសម្រាកនៅមន្ទីរពេទ្យ សមត្ថកិច្ចកំពុងធ្វើស្រាវជ្រាវរកសាច់ញ្ញាត និងលំនៅដ្ឋានរបស់ពួកគាត់ ៕ ដោយ:កូឡាប