ចំណងមនោសញ្ចេតនា ម្តាយ-កូន ពិតជាឧត្តុងឧត្តមណាស់! មិនថាមនុស្សដែលមានវិចារណញាណទេ សូម្បីតែសត្វ… ។
នេះជារឿងកើតនៅប្រទេសឥណ្ឌា ខណៈពេលកូនឆ្កែបានរងរបួសហើយមេរបស់វាព្រុសហាក់ “ដង្ហោយហៅ” ឲ្យគេជួយ ។ មួយសន្ទុះក្រោយ មានបុរសម្នាក់ចូលទៅមើល ហើយប្រឹងជួយព្រោះតែរបួសធ្ងន់ពេក គាត់ទូរស័ព្ទប្រាប់ក្រុមសង្គ្រោះសត្វ ។
ក្រុមសង្គ្រោះសត្វ Animal Aid Unlimited ប្រញាប់មកកន្លែងកើតហេតុ ។
ប៉ុន្តែឆ្កែហាក់ដូចជាដឹងថា ពួកគេមកជួយកូនរបស់វា វាឈប់ព្រុសហើយឱនលិទ្ធកូន… ។
កូនឆ្កែឈឺចុកចាប់ណាស់ ព្រោះវាត្រូវវត្ថុស្រួចចាក់ទម្លុះស្មា ។
នៅពេលកូនឆ្កែស្រែកម្តងៗ វាក៏ស្រែកឡើងដែរ ទាំងមានតំណក់ទឹកភ្នែក ។
តាមក្រុមសង្គ្រោះរបួសនេះប្រាកដជាបង្កឡើងដោយមនុស្ស ។
ក្រោយការជ្រោមជ្រែងវាក៏ធូរស្រាល ។ ពួកគេដាក់ឈ្មោះឲ្យថា Toggle ។
ឥឡូវ Toggle បានជាសះស្បើយហើយ ហើយវាត្រូវបានគេយកមកចិញ្ចឹមថែទាំ ។
ក្រុមសង្គ្រោះនៅបាននាំយកមេឆ្កែ និងកូនឆ្កែ ៤ទៀតមកចិញ្ចឹម ព្រោះពួកវាជាឆ្កែ… អនាវា ។
វាសំឡឹងមើលអ្នកជួយវាក្នុងកែវភ្នែកហាក់ចង់ប្រាប់ថា “អរគុណៗ” ។ នេះឯងជីវិតនៃសត្វអនាថា ! ប៉ុន្តែយ៉ាងនេះក្តីវានៅមានក្តីស្រឡាញ់ឈឺចាប់ ដឹងគុណ…។ល។ លើសពីមនុស្ស “ត្រឹមត្រូវ” ខ្លះផង ៕ ចន្ទ្រា