ស្ត្រីជាម្តាយពិតជាខ្លោចផ្សាណាស់ ព្រោះនាងបង្ខំចិត្តត្រូវបីសាកសពរបស់កូនស្រីវ័យ ១៩ឆ្នាំ របស់ខ្លួន ដែលនៅសល់ទម្ងន់ត្រឹម ១០គីឡូក្រាម ដើរតាមផ្លូវតម្រង់ទៅកន្លែងដុតសាកសព ។
មុននោះស្ត្រីជាម្តាយ Elizabeth Diaz រូបនេះ បាននាំកូនទៅកាន់មន្ទីរពេទ្យមួយកន្លែងនាទីក្រុង Valencia (យប់ថ្ងៃទី ៩ មីនា) ប៉ុន្តែវេជ្ជបណ្ឌិតបានដើរគេចពុំទទួលព្រោះចប់ម៉ោងធ្វើការ ហើយអគ្គិសនីក៏…ដាច់បាត់ ។
ពួកគេបានជំរុញគាត់ឲ្យទៅមន្ទីរពេទ្យមួយផ្សេង តែកូនស្រីរបស់អ្នកស្រីបានដង្ហក់ដកចង្ការមាន់ ទម្រាំទៅដល់មន្ទីរពេទ្យទី២ ក៏គ្មានអគ្គិសនីដែរនោះ កូនស្រីរបស់អ្នកស្រីបានដាច់ខ្យល់ស្លាប់។
ទាល់ច្រកព្រោះគ្មានថវិកាធ្វើបុណ្យសពអ្នកស្រីបានបីកូនដើរទម្លុះស្បៃរាត្រី នាំនាងទៅទុកនៅអគារតម្កល់សពដើម្បីគេ…ដុត ។
នេះជាអ្វីដែលកំពុងកើតរឿងជាក់ស្តែងនៅប្រទេស “ស្តេចប្រេងកាត” ដ៏ល្បីល្បាញនាអតីតកាលមួយនេះ ៕