រដ្ឋាភិបាលជប៉ុនទើបអនុម័តផែនការចំណាយដែលមានតម្លៃ ១,៨ប៊ីលានដុល្លារ សម្រាប់ទិញប្រព័ន្ធការពារកាំជ្រួច Aegis Ashore ២ របស់អាមេរិក ដើម្បីស្រោបការពារដែនដីជប៉ុនទាំងមូល ក្នុងនោះក៏មានប្រព័ន្ធរ៉ាដាដ៏ខ្លាំងមួយផងដែរ។
តាម SCMP រដ្ឋការជប៉ុននៅថ្ងៃ ១៩/១២ បានអនុម័តផែនរបស់ក្រសួងការពារជាតិប្រទេសនេះ សំដៅទិញបន្ថែមប្រព័ន្ធការពារកាំជ្រួច Aegis Ashore ដើម្បីទិញបន្ថែមបណ្តាញការពារកាំជ្រួចដែលមានបច្ចុប្បន្នរបស់ជប៉ុន ដែលរួមមានប្រព័ន្ធ Patriot និងបណ្តាញនាវាពិឃាត ដែលបំពាក់កាំជ្រួច Aegis Ashore ប្រព័ន្ធទាំង២ដែលគេគ្រោងទិញនេះ មានតម្លៃប្រមាណ១,៨ប៊ីលានដុល្លារ។
រដ្ឋការជប៉ុនបានចែករំលែកមូលហេតុទិញប្រព័ន្ធខាងលើថា “កម្មវិធីកាំជ្រួច និងនុយក្លេអែររបស់កូរ៉េខាងជើង បានក្លាយជាគ្រោះគំរាមកំហែងធ្ងន់ធ្ងរជាងមុន មកលើសន្តិសុខជាតិជប៉ុន។ ជប៉ុនចាំបាច់បង្កើនសុវត្ថិភាពការពារកាំជ្រួច រដ្ឋាភិបាលជប៉ុនកំពុងរៀបផែនការជ្រើសរសើទីតាំងដើម្បីតម្លើងដាក់ប្រព័ន្ធនេះ ហើយការដាក់ពង្រាយអាចបង្កឥទ្ធិពលដល់រលករ៉ាដា នៃទីប្រជុំជនក្បែរប្រព័ន្ធអាវុធដ៏ទំនើបនេះ។
មុននេះជប៉ុនក៏បានរៀបចំផែនការចំណាយសម្រាប់ការពារជាតិ ដែលមានតម្លៃដល់ទៅ ៤១ប៊ីលានដុល្លារ។ រដ្ឋមន្ត្រីការពារជាតិជប៉ុនឲ្យដឹងបន្ថែមថា ក្រុងតូក្យូក៏មានបំណងទិញកាំជ្រួចអន្តរទ្វីបរយៈចម្ងាយឆ្ងាយពីបណ្តាក្រុមហ៊ុនការពារជាតិអាមេរិក។ ហើយក៏បានបញ្ជាក់ថា កាំជ្រួចមានរយៈចម្ងាយវាយលុក៩០០គីឡូម៉ែត្រប៉ុណ្ណោះ៕ ចន្ទ្រា
យន្តការសកម្មភាពនៃប្រព័ន្ធការពារកាំជ្រួច Aegis Ashore
