ហ្វេសបុកបានបានជួបបញ្ហាបច្ចេកទេស ដែលបណ្តាលឲ្យមានការប៉ះពាល់ដល់អ្នកប្រើប្រាស់ជាច្រើន ជុំវិញពិភពលោក។
បញ្ហានោះកើតឡើងចាប់តាំងពីថ្ងៃពុធម្សិលមិញនេះ ហើយវាធ្វើឲ្យប៉ះពាល់ដល់អ្នកប្រើប្រាស់នៅតំបន់ជាច្រើនដូចជា អាមេរិច អាមេរិចកណ្តាល និងអាមេរិចខាងត្បូង ព្រមទាំងនៅអាស៊ីផងដែរ។
ចំណែកអ្នកប្រើប្រាស់នៅកម្ពុជាក៏ជួបបញ្ហាដូចខាងលើផងដែរ។ អ្នកប្រើប្រាស់ភាគច្រើន ជួបបញ្ហាក្នុងបង្ហោះរូបភាព វីដេអូ និងការផ្ញើសារផ្សេងៗជាដើម។
ដោយសារជួបបញ្ហាបច្ចេកទេសនេះ ហ្វេសបុកបានប្រើប្រាស់បណ្តាញសង្គមរបស់ខ្លួនមួយទៀតគឺ Twitter ដើម្បីពន្យល់ទៅដល់អ្នកប្រើប្រាស់របស់ខ្លួនទាំងអស់ណា ខ្លួនកំពុងជួបបញ្ហាបច្ចេកទេសទូទាំងពិភពលោក។
ហ្វេកបុកបញ្ជាក់នៅក្នុង Twitter ដូច្នេះថា “ពួកយើងដឹងថាមនុស្សមួយចំនួនកំពុងជួបបញ្ហា ក្នុងការប្រើប្រាស់កម្មវិធីគ្រួសារហ្វេសបុក(Facebook, Whatapp, Instagram)។ ពួកយើងកំពុងធ្វើការដោះស្រាយបញ្ហាទាំងនោះឲ្យបានលឿន តាមតែអាចធ្វើបាន”៕ ដោយ ៖ សុភ័ក្ត្រ
