ថ្មីៗនេះ នៅលើបណ្តាញសង្គមចិន បានកំពុងផ្ទុះការរិះគន់យ៉ាងខ្លាំង បន្ទាប់ពីរបាំងទ្រូងផ្លូវ (ដាក់ឲ្យតែមាន) នៅក្នុងទីក្រុង Zhuhai ខេត្ត Guangdong ភាគខាងត្បូងប្រទេសចិន ត្រូវបាន «ផ្តួលរាប» ចំនួន២ដងក្នុងរយៈពេល២ថ្ងៃ ដោយអ្នកដំណើរថ្លើមធំ២នាក់ ដែលបានព្យាយាមឡើងផ្លោះរំលង នៅពេលឆ្លងកាត់ផ្លូវ ។
វីដេអូបានបង្ហាញឲ្យឃើញបុរសវ័យចំណាស់ម្នាក់ ប៉ុនប៉ងឡើងពីលើរបាំងទ្រូងផ្លូវ ដើម្បីឆ្លងទៅចិញ្ចើមផ្លូវខាងស្តាំ ប៉ុន្តែ ខណៈពេលឡើងអង្គុយពីលើផុតជើងផុតដៃ ស្រាប់តែរនាំងពុះចែកទ្រូងផ្លូវនោះដួលរំលំសង្កត់ពីលើគួរឲ្យអស់សំណើចជាខ្លាំង ។ ដែលហេតុការណ៍នេះបានកើតឡើងកាលពីថ្ងៃទី២៣ ខែកុម្ភៈ កន្លងទៅនេះ ។
ដោយឡែក វីដេអូមួយទៀត នៅទីតាំងដដែល បានបង្ហាញឲ្យឃើញបុរសម្នាក់បានយកដៃរុញ បណ្តាលឲ្យដួលរាបអស់មួយកំណាត់ រួចដើរឆ្លងយ៉ាងព្រងើយ ។
យោងតាមរបាយការណ៍ព័ត៌មាន បុរសទាំងពីរនេះត្រូវបានដាក់នៅក្នុងបញ្ជីខ្មៅរួចហើយៗ ប៉ូលីសក៏កំពុងស៊ើបអង្កេតស្វែងរកចាប់ខ្លួនពួកគេផងដែរ ៕ រក្សា
