ស្វាយរៀង ៖ លោកម៉ែន វិបុល ប្រធានគណបក្សប្រជាជនកម្ពុជាខេត្តបានថ្លែងទៅកាន់ក្រុមការងារបក្សនិងសមាជិក សមាជិការគណបក្សប្រជាពលរដ្ឋនៅស្រុកកំពង់រោទ៌ដោយបានធ្វើការណែនាំដល់លោកប្រធានក្រុមការងារថ្មីនិងក្រុមការងារចុះជួយស្រុកកំពង់រោទ៌ត្រូវបន្តចុះមូលដ្ឋានអោយបានញឹកញាប់បន្ថែមទៀតជាពិសេសក្តាប់អោយបាននូវការខ្វះខាត បញ្ហាប្រឈមនានានៅមូលដ្ឋានហើយដោះស្រាយអោយបានទាន់ពេលវេលាដើម្បីអោយប្រជាពលរដ្ឋមានជំនឿជឿជាក់មកលើគណបក្សកាន់តែមានសម្លេងច្រើនឡើងនិងឈ្នះឆ្នោតនៅគ្រប់អាណត្តិ។
ការថ្លែងណែនាំរបស់លោកម៉ែន វិបុលបែបនេះនៅក្នុងពិធីប្រកាសលោកកឹង ឃន ជាប្រធានក្រុមការងារគណបបក្សប្រជាជនកម្ពុជាចុះជួយស្រុកកំពង់រោទ៌ខេត្តស្វាយរៀងជំនួសលោកគឹម ធាដែលទទួលភារកិច្ចថ្មី។ពិធីប្រកាសនេះបានធ្វើឡើងនៅព្រឹកថ្ងៃទី១៦ខែមិនាឆ្នាំ២០១៩នៅទីស្នាក់ការគណបក្សស្រុកកំពង់រោទ៌ដែលមានការចូលរួមពីសមាជិក សមាជិការនិងក្រុមការងារចុះជួយស្រុកជាច្រើនរូបផងដែរ។
លោកម៉ែន វិបុលបានបន្តទៀតថាដើម្បីកែសម្រួលសមាសភាពក្រុមការងារបក្ស លោកស្រីកិត្តិសង្គហបណ្ឌិតម៉ែន សំអនប្រធានក្រុមការងារចុះជួយខេត្តស្វាយរៀងបានសម្រេចប្រគល់ភារកិច្ចអោយលោកកឹង ឃនជាប្រធានក្រុមការងារចុះជួយស្រុកកំពង់រោទ៌ជំនួសលោកគឹម ធាដែលទទួលភារកិច្ចថ្មី។
លោកប្រធានគណបក្សខេត្តក៏បានថ្លែងអំណរគុណដល់លោកប្រធានក្រុមការងារចាស់និងក្រុមការងារទាំងអស់ដែលបានខិតខំបំពេញការងារជូនបក្សបានយ៉ាងល្អប្រសើរក្នុងនោះបានដោះស្រាយទុកលំបាកជូនពលរដ្ឋនិងសំណូមពរនានាធ្វើអោយមូលដ្ឋានស្រុកកំពង់កំពង់រោទ៌មានការអភិវឌ្ឍ រីកចម្រើនជាបន្តបន្ទាប់ផងដែរ។
លោកម៉ែន វិបុលជម្រុញដល់សមាជិកបក្សទាំងអស់ត្រូវយកចិត្តទុកដាក់ពង្រឹងទៅលើ ក្រុមយុវជន កងកម្លាំងប្រដាប់អាវុធនិងមន្ត្រីរាជការ។ក្នុងនោះត្រូវមានការសាមគ្គីភាពជាមួយអាជ្ញាធរមូលដ្ឋានភូមិ ឃុំ ហើយចៀសវាងពេលចុះទៅកុំយកបញ្ហាទៅអោយពួកគាត់ដោះស្រាយ និងមិនត្រូវទៅធ្វើជាចៅហ្វាយនាយលើពលរដ្ឋនោះទេ ត្រូវចាត់ទុកពលរដ្ឋជាម៉ែឪ តើគាត់ចង់បានអី?មានកង្វល់អី លើកការសំណូមទាំងអស់នោះជូនស្រុក ខេត្តដើម្បីដោះស្រាយ ជាពិសេសត្រូវមានទំនាក់ទំនងល្អជាមួយមេឃុំមេភូមិសមាជិក បក្ស។
ការអភិវឌ្ឍរបស់រាជរដ្ឋាភិបាលដែលមានសម្តេចតេជោហ៊ុន សែនជានាយករដ្ឋមន្ត្រីនិងជាប្រធានគណបក្សប្រជាជនបានដាក់ចេញនូវគោនយោបាយសុីជម្រៅដោយធ្វើពីផ្លូវលំអោយក្លាយជាទៅជាផ្លូវចាក់កៅស៊ូ ពីផ្លូវរទេះទៅផ្លូវក្រាលខ្សាច់ភ្នំ ។ហើយខេត្តស្វាយរៀងយើងចែកចេញជាបីតំបន់សេដ្ឋកិច្ចទី១តំបន់កសិឧស្សាហកម្ម ទី២តំបន់កសិកម្ម និងទី៣តំបន់ទេសចរណ៍។
លោកម៉ែន វិបុលបានក្រើនរំលឹកដល់អាជ្ញាធរក៏ដូចសមាជិកបក្សទាំងអស់ត្រូវចងចាំអភិក្រុមទាំងប្រាំរួមមានឆ្លុះកញ្ចក់ ងួតទឹក ដុះក្អែល ព្យាបាលនិងវះកាត់ ។និងបាវចនាពីរទៀតគឺកែទម្រុងខាងក្រុងបន្ថែមមិត្តខាងក្រៅ។
ជាមួយគ្នានេះនៅតាមបណ្តាឃុំមួយចំនួនដែលជាប់ព្រំដែនវៀតណាមត្រូវណែនាំដល់ពលរដ្ឋកុំអោយជួលដីស្រែទៅអោយប្រទេសជិតខាងជាដាច់ខាតហើយបើមានជួលដីអោយប្រទេសជិតខាងនោះត្រូវទទួលខុសត្រូវចំពោះមុខច្បាប់។
លោកម៉ែន វិបុលក៏បានណែនាំ ដល់ពលរដ្ឋឲ្យត្រូវចេះសន្សំសំចៃទឹកទុក ដោយក្នុងរដូវប្រាំងនៅឆ្នាំ២០១៩នេះ កម្ពុជានឹងជួបគ្រោះក្តៅហួតហែងខ្លាំង ជាពិសេសក្នុងអំឡុងខែមេសា និងឧសភា កម្តៅនឹងហក់ឡើងដល់៤០ ទៅ៤២អង្សា ដោយសារតែការរងដោយប្រយោល នៃឥទ្ធិពលបាតុភូតអែលនីណូ (El Nino)។ រាជរដ្ឋាភិបាល បានអំពាវនាវដល់អាជ្ញាធរ និងប្រជាពលរដ្ឋ ត្រូវចាត់វិធានការថែរក្សាទឹក ទុកសម្រាប់ប្រើប្រាស់ផងដែរ។
លោកថា សូមអាជ្ញាធរដែនដី កងកម្លាំប្រដាប់អាវុធ ត្រូវបន្តយកចិត្តទុកដាក់ ក្នុងការការពារសន្តិសុខ សុវត្តិភាពឲ្យបាលល្អប្រសើរ ជាពិសេសអនុវត្តគោលនយោបាយភូមិ ឃុំមានសុវត្ថិភាព ទទួលបានជោគជ័យ ជាបន្តបន្ទាប់ ទៀត ៕ ដោយ ៖ វ៉ៃកូ
