ភ្នំពេញ ៖ តាមគម្រោងទុកនៅយប់ថ្ងៃទី៣១ខែធ្នូឆ្នាំ២០១៧ ឆ្លងចូលឆ្នាំ២០១៨ខាងមុខនេះ រដ្ឋបាលរាជធានីភ្នំពេញបានត្រៀមរៀបចំកម្មវិធីកំសាន្តសប្បាយតាមរយៈការប្រគំតន្ត្រី និងការសម្ដែងសិល្បៈនឹងត្រូវធ្វើឡើងពេញមួយយប់ ដោយមានការផ្សាយបន្តផ្ទាល់ពីស្ថានីយ៏ទូរទស្សន៏រាជធានីភ្នំពេញប៉ុស្តិ៍លេខ៣ផងដែរ។
ជាក់ស្ដែងលោក កើត ឆែ និងលោក មាន ចាន់យ៉ាដា អភិបាលរងរាជធានីភ្នំពេញបានដឹកនាំកិច្ចប្រជុំមួយនាព្រឹកថ្ងៃទី២០ខែធ្នូឆ្នាំ២០១៧នេះនៅសាលារាជធានីភ្នំពេញដោយមានការចូលរួមពីក្រុមប្រឹក្សារាជធានីព្រមទាំងសមត្ថកិច្ច មន្ទីរពាក់ព័ន្ឋ ខណ្ឌទាំង១២របស់រាជធានីភ្នំពេញដើម្បីពិភាក្សាលើការរៀបចំផែនការត្រៀមទទួលអបអរសាទរថ្ងៃឆ្លងឆ្នាំសកល២០១៨នៅរាត្រីថ្ងៃទី៣១ធ្នូខែឆ្នាំ២០១៧នៅរមណីយ៏ដ្ឋានវត្តភ្នំ។
ក្នុងនោះលោក ម៉េត មាសភ័ក្តី អ្នកនាំពាក្យសាលារាជធានីភ្នំពេញបានឲ្យដឹងថា៖ដើម្បីចូលរួមអបអរសាទរថ្ងៃឆ្លងឆ្នាំសាកលខាងមុខនេះ រដ្ឋបាលរាជធានីភ្នំពេញបានរៀបចំឱ្យ មានការបាញ់កាំជ្រួចនៅបរិវេណរមណីយដ្ឋានវត្តភ្នំ និងមានការប្រគំតន្ត្រីជាច្រើនកន្លែងមាន នៅមុខវត្តបទុមវតី នៅមុខNaga និងនៅកោះពេជ្រក្នុងគោលបំណងបង្កើតនូវបរិយាកាសសប្បាយរីករាយសំរាបបងប្អូនប្រជាពលរដ្ឋយើងមកលេងកំសាន្តក៏ដូចបង្ហាញពីការរស់នៅនិងជីវភាពសង្គមមានភាពល្អប្រសើរដែលបងប្អូនប្រជាពលរដ្ឋមានឧិកាសកំសាន្ត សប្បាយក្នុងពេលដែលរាជធានីភ្នំពេញកំពុងមានការអភិវឌ្ឍន៏ក្នុងសុខសន្តិភាពក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រី។
លោកអ្នកនាំពាក្យបានគូសបញ្ជាក់ទៀតទៀតថា៖ក្រៅពីការរៀបចំកន្លែងសប្បាយភាពរដ្ឋបាលរាជធានីភ្នំពេញក៏បានយកចិត្តទុកដាក់រៀបចំសន្តិសុខសណ្តាប់ធ្នាប់,ការតុបតែងលម្អរអំពូលភ្លើងតាមដងផ្លូវ និងរមណីយ៍ដ្ឋាននានាក្នុងរាជធានីភ្នំពេញឲ្យបានស្រស់បំព្រង ។ក្នុងកិច្ចប្រជុំនោះដែរលោក កើត ឆែ អភិបាលរងរាជធានីបាន ណែនាំដល់មន្ត្រីរដ្ឋបាលរាជធានី មន្ទីរពាក់ព័ន្ឋនិងមន្ត្រីខណ្ឌទាំង១២ព្រមទាំងសមត្ថកិច្ចត្រូវចូលរួមអបអរសាទរក្នុងពិធីឆ្លងឆ្នាំ២០១៧ចូលឆ្នាំ២០១៨ដែលពិធីនេះនឹងប្រារព្ឋធ្វើនៅរមណីយដ្ឋានប្រវត្តិសាស្ត្រវត្តភ្នំ៕ ដោយ ៖ កូឡាប