ប្រព័ន្ធផ្សព្វផ្សាយចិនឲ្យដឹងថា ចុងសប្តាហ៍កន្លងមកវេជ្ជបណ្ឌិត Ling Zhipei បានធ្វើការក្លូនភ្ជាប់បរិក្ខាររំញោចសរសៃប្រសាទឲ្យអ្នកជំងឺ Parkinson ម្នាក់ ។ ប្រការដែលគួរឲ្យចាប់អារម្មណ៍នោះគឺអ្នកជំនាញការរូបនេះស្ថិតនៅមន្ទីរពេទ្យ PLAGH ក្រុងប៉េកាំង ហើយអ្នកជំងឺរបស់គាត់ស្ថិតនៅបន្ទប់វះកាត់នាមន្ទីរពេទ្យមួយលើកោះហៃណាម ដែលមានចម្ងាយប្រមាណ ៣០០០ km ពីគ្នា ។
ការវះកាត់ប្រព្រឹត្តទៅអស់រយៈពេល ៣ ម៉ោង ហើយទទួលបានជោគជ័យ ។ អ្នកជំងឺបានដឹងខ្លួន ហើយសុខភាពកំពុងប្រសើរឡើង ។
តាម RT វេជ្ជបណ្ឌិត Ling បានប្រើកុំព្យូទ័រភ្ជាប់នឹងបណ្តាញចល័តជំនាន់ទី ៥ (ហៅកាត់ 5 G) ។ បរិក្ខារថ្មីនេះជួយឲ្យការងារប្រព្រឹត្តទៅដូច “ពិតៗ” ដែលវេជ្ជបណ្ឌិតរូបនេះប្រាប់ថា ៖ “អ្នកគ្មានអារម្មណ៍ថាអ្នកជំងឺកំពុងស្ថិតនៅចម្ងាយពីអ្នក ៣០០០ km ទេ”! ។
យ៉ាងណាកិច្ចការនេះប្រព្រឹត្តទៅបានខណៈបណ្តាញ 5G ប៉ុណ្ណោះ ព្រោះបណ្តាញ 4G វាមានសភាពពុំថេរ គឺពេលខ្លះយឺត កន្ត្រាក់ៗទេ ៕ ចន្ទ្រា
