ប៉ូលិសបានចោទប្រកាន់ Shao Fuming អាយុ ១៣ ឆ្នាំ ថាបានប្រើកាំបិតកាប់សាច់កាប់នាង Yang Yan ជាម្តាយអាយុ ៣៧ ឆ្នាំ រហូតដល់ស្លាប់នៅយប់ថ្ងៃទី ១៦ មីនា នាលំនៅដ្ឋានឯកជន នៅក្រុង Giang ខេត្ត Jianhu (ចិន) ។
ស្ត្រីជាម្តាយត្រូវកូនប្រុសបង្កើត ប្លន់យកជីវិតព្រោះកូនឆ្កែមួយក្បាល ។
Red Star News បានដកស្រង់សំដីរបស់អ្នកជិតខាងឲ្យដឹងថា មុននោះនាង Yang បានសម្លាប់ឆ្កែរបស់ Fuming ដើម្បីទុកជាទណ្ឌកម្ម ព្រោះគិតថាកូននេះវាដឹងតែពីលេងប្រឡែងជាមួយឆ្កែពុំរវល់អ្វីទាំងអស់ ។ គាត់បានចាប់កូនឆ្កែគ្រវែងបណ្តាលឲ្យវាងាប់នៅពីមុខកូនប្រុសនេះ” ។
Fuming បានត្រូវប៉ូលិសចាប់ខ្លួននៅហាងមួយ កាលពីថ្ងៃទី ២៤/៧ គ្រាដែលវាកំពុងស៊ីនំ ហើយហៅទឹក១កែវពីហាងនេះ ។
តាមច្បាប់ចិនពលរដ្ឋអាយុពី ១៤-១៦ឆ្នាំ អាចត្រូវបានឃុំខ្លួន និងទទួលខុសត្រូវព្រហ្មទណ្ឌចំពោះបទល្មើសសម្លាប់មនុស្សប្លន់ ឬចាប់រំលោភ ។
នៅអំឡុងថ្ងៃនេះដែរ ក្មេងប្រុសអាយុ ១២ឆ្នាំម្នាក់ រស់នៅខេត្ត ហូណាន បានកាប់ម្តាយស្លាប់ ព្រោះតែគាត់បានប្រឹងរារាំងកុំឲ្យជក់បារី ។ ប៉ុន្តែឃាតករវ័យក្មេងរូបនេះត្រូវបានដោះលែងបន្ទាប់ពីឃុំខ្លួនបាន ២-៣ថ្ងៃមក ។
ករណីបែបនេះបញ្ជាក់ឲ្យឃើញពីប្រការគួរប្រកាសអាសន្នសម្រាប់ការអប់រំក្មេងហើយពុំនោះសោត… ៕
