តាមកំណត់ត្រានោះតាំងពីទីក្រុងនេះត្រូវបានបង្កើតឡើងគឺ ៦០០ឆ្នាំមកហើយពុំដែលមានភ្លៀងសោះ ។ នោះជាទីក្រុងមានពលរដ្ឋបច្ចុប្បន្នរស់នៅចំនួនប្រមាណ… ៨លាននាក់ណា៎! ។
នោះគឺទីក្រុង Lima រដ្ឋធានីរបស់ប្រទេសប៉េរូ ។ ទីក្រុងទាំងមូលសម្លឹងមើលទៅគ្របដណ្តប់ដោយពណ៌លឿង ។
ពណ៌លឿងក្នុងគំនិតស្តើង ឬក្រាស់ជាពណ៌នៃទីក្រុងនេះ ។ វាត្រូវបានសាងសង់តាមរចនាបថអេស្បាញ តែក៏ជាទីល្បីល្បាញខាងស្ងួតហែងបំផុត ។
មូលហេតុដែលគេកត់ត្រាទុកគឺ ៦០០ឆ្នាំហើយដីនេះពុំដែលមានព្រិលធ្លាក់ ឬក៏ភ្លៀងទេ ។ បែបនេះម្តេចក៏មនុស្សរស់នៅច្រើនកុះករម្លេះ?
បំណកស្រាយគឺព្រោះតែវាទីស្ងួតហែងបំផុតមែន តែវាបែរជាស្ថិតនៅក្នុងតំបន់មានចរន្តទឹកដ៏ត្រជាក់ស្រេប ដែលធម្មតាវាពុំអាចមានចំហាយទឹកជះឡើងគ្រប់គ្រាន់ និងលក្ខខណ្ឌបង្កជាភ្លៀង… ។
ដើម្បីស្តារស្ថានការណ៍នេះ ពួកគេបានទាញយកប្រភព “ជីវិត” ពីទន្លេ Aprikh ដែលជាទន្លេមួយកកើតពីការរលាយទឹកកកចុះមកពីជ្រលងភ្នំ Andes ។
មនុស្សច្រើនបែបនេះ បានទឹកពីណាមកប្រើប្រាស់ ហើយថែមទាំងតម្រូវការផលិតកម្មទៀតនោះ? ។ គេដឹងថា ពលរដ្ឋនៅទីនោះមានរកឃើញបច្ចេកវិទ្យា “ចាប់ទឹកភ្លៀង” ដើម្បីឆ្លើយតបតម្រូវការទឹក ។ វាជាបច្ចេកវិទ្យាច្នៃប្រឌិតកំពូលធ្វើឲ្យអ្នកផងកោតស្ងប់ស្ងែង ។
លើសពីនេះ Lima ទោះបីគ្មានភ្លៀងក្តីតែអាកាសធាតុពិតជាល្អណាស់ ។ រដូវក្តៅបំផុតមិនលើសពី ២៣ អង្សា ហើយត្រជាក់បំផុតគឺត្រឹមតែ ១៦ អង្សាប៉ុណ្ណោះ ។ ពោលគឺ ៤រដូវជានិទាឃរដូវទាំងអស់ ។
ទីក្រុងនេះត្រូវបានរៀបចំដ៏ល្អសំណង់ និងរុក្ខជាតិបៃតងតុល្យភាពគ្នា ទេសភាពជុំវិញស្អាត -ពិតជាទីរស់នៅល្អប្រសើរណាស់! ៕ ចន្ទ្រា