ភ្នំពេញ : លោករដ្ឋមន្ត្រីក្រសួងកសិកម្ម បានដាក់បទបញ្ជាយ៉ាងតឹងរ៉ឹងគិតដល់មន្ត្រីក្រោមឱវាទរបស់ខ្លួន មិនត្រូវប្រើប្រាស់យានយន្តដែលមានពាក់ស្លាកលេខរដ្ឋ ក្រៅពីម៉ោងដែលខ្លួនត្រូវបំពេញការងារឡើយ ជាពិសេសកន្លែងសប្បាយគ្រប់ប្រភេទ។
ក្រសួងកសិកម្មរុក្ខាប្រមាញ់និងនេសាទ កាលពីថ្ងៃទី 21 ខែមីនាឆ្នាំ 2019 បានចេញសេចក្តី ណែនាំស្ដីពីការប្រើប្រាស់យានយន្តគ្រប់ប្រភេទរបស់ក្រសួងកសិកម្មរុក្ខាប្រមាញ់និងនេសាទ ។
ក្នុងសេចក្តី ណែនាំលោកវេង សាខុន រដ្ឋមន្ត្រីក្រសួងកសិកម្ម បានលើកឡើងថា ក្នុងគោលបំណងដើម្បីពង្រឹងធានាប្រសិទ្ធភាពក្នុងការគ្រប់គ្រងទ្រព្យសម្បត្តិរដកិត្យានុភាពនិងសេចក្តី ថ្លៃថ្នូររបស់ក្រសួងស្ថាប័នរដ្ឋ និងមន្ត្រីសាធារណៈ ក្រសួងសូមណែនាំដល់ថ្នាក់ដឹកនាំទាំងអស់ គ្រប់ថ្នាក់ដឹកនាំអង្គភាពថ្នាក់ដឹកនាំមន្ទីរកសិកម្មរាជធានីខេត្ត នាយកគម្រោង និងមន្ត្រីរាជការ ដែលប្រើប្រាស់យានយន្ដ ពិសេសយានយន្តជាកម្មសិទ្ធិរបស់រដ្ឋ។លោករដ្ឋមន្ត្រី បានបញ្ជាក់ថា យានយន្តជាកម្មសិទ្ធិរបស់រដ្ឋត្រូវប្រើប្រាស់ពាក់ស្លាកលេខរបស់រដ្ឋ ឲ្យបានត្រឹមត្រូវបើកបរប្រកបដោយសេចក្តី ថ្លៃថ្នូរនិងគោរពច្បាប់ ស្ដីពីចរាចរណ៍ជើងគោកឲ្យបានម៉ឹងម៉ាត់ មិនត្រូវប្រើប្រាស់យានយន្តដែលពាក់ស្លាកលេខរដ្ឋេ ក្រៅពីម៉ោងដែលខ្លួនត្រូវបំពេញការងារឡើយ ពិសេសកន្លែងសប្បាយ គ្រប់ប្រភេទ រួមមាន ក្លឹបកម្សាន្តកន្លែងខារ៉ាអូខេ និងម៉ាស្សា ជាដើម មិនត្រូវអនុញ្ញាតឲ្យអ្នកដទៃប្រើប្រាស់យានយន្ត ដោយមានពាក់ស្លាកលេខរដ្ឋ ក្នុងគោលបំណងផ្សេងដែលមិនពាក់ព័ន្ធទៅហ្នឹងការបំពេញភារកិច្ចរបស់ខ្លួនឡើយ ត្រូវចាត់វិធានការ និងស្ថាប័នមានសមត្ថកិច្ច ប្រសិនបើឃើញយានយន្តពាក់ស្លាកលេខរដ្ឋ ដូចស្លាកលេខយានយន្តរបស់ខ្លួនក្នុងករណីមិនអាចអនុវត្តបាន ត្រូវរាយការណ៍មកក្រសួង ដើម្បីក្រសួងស្នើសុំកិច្ចអន្តរាគមន៍ ពីស្ថាប័នមានសមត្ថកិច្ចត្រូវដកហូតយកមកវិញទាំងអស់ នូវស្លាកលេខយានយន្ត ដែលបានជម្រះចេញពីបញ្ជីសារពើភណ្ឌទ្រព្យសម្បត្តិរដ្ឋ គឺត្រូវរៀបចំបែបបទប្រគល់ជូនស្ថាប័ន មានសមត្ថកិច្ចគ្រប់គ្រងវិញ ៕ ដោយ:កូឡាប