កំពង់ស្ពឺ ៖ រសៀលថ្ងៃទី២២ ខែមីនា ឆ្នាំ ២០១៩ កម្លាំងកងរាជអាវុធហត្ថលើផ្ទៃប្រទេស បានសហការជាមួយកងរាជអាវុធហត្ថខេត្តកំពង់ស្ពឺ ចុះទៅភូមិឃ្លៃថ្មី ឃុំពោធិចំរើន ស្រុកបសេដ្ឋ ខេត្តកំពង់ស្ពឺ បានបង្ក្រាបរោងម៉ាសុីនអាឈើ ១កន្លែងដែលធ្វេីអាជីវកម្មអាឈើឱ្យប្រជាពលរដ្ឋយកទៅធ្វេីផ្ទះដោយខុសច្បាប់ ។
ក្រោយពីបង្ក្រាបកម្លាំងដកហូតបាន ម៉ាសុីនរ៉ៃ១គ្រឿង ផ្លែរណា៤ខ្សែ ម៉ូទ័រឆាប១គ្រឿង ប្រគល់ឱ្យផ្នែករដ្ឋបាលព្រៃឈើបសេដ្ឋយកទៅរក្សាទុក។ ដោយឡែកឈើដុលចម្រុះចំនួន ៤៣ កំណាត់ បានប្រគល់ឱ្យប្រជាពលរដ្ឋដែលជាម្ចាស់ឈើ ចំណែកម្ចាស់រោងម៉ាសុីនត្រូវបានជំនាញរដ្ឋបាលព្រៃឈើឱ្យធ្វេីកិច្ចសន្យាបញ្ឈប់អាជីវកម្មបន្តទៀត ៕ ដោយ : បញ្ញាស័ក្តិ