មនុស្សយ៉ាងហោចណាស់ចំនួន ៥០នាក់បានឆេះស្លាប់ បន្ទាប់ពីរថយន្តក្រុង ២គ្រឿងបុកគ្នា បណ្តាលឲ្យឆេះសណ្ធោរសណ្ធៅនៅក្នុងប្រទេសហ្គាណា។
ហេតុការណ៍អកុសលនោះកើតឡើងនៅថ្ងៃព្រឹក ថ្ងៃសុក្រ ម៉ោង ១កន្លះ។ រថយត្តដែលធ្វើដំណើរផ្លូវឆ្ងាយទាំងពីរ បានបុកគ្នាចំពីមុខពេញទំហឹង ទើបបណ្តាលឲ្យបែកជាភ្លើង។ នេះបើតាមការបញ្ជាក់របស់ប៉ូលិសប្រាប់ CNN។
ប៉ូលីសបញ្ជាក់ថា មានមនុស្សប្រហែល ១០០នាក់នៅលើរថយន្តក្រុងទាំង ២ ហើយជនរងគ្រោះភាគច្រើនស្លាប់ដោយសារភ្លើងឆេះ។
មនុស្សជាង ៥០នាក់ក៏បានរងរបួសក្នុងហេតុការណ៍នោះដែរ ហើយប៉ូលីសបញ្ជាក់ថា ចំនួនអ្នកស្លាប់អាចកើនឡើង ខណៈពួកគេកំពុងវាយតម្លៃពីស្ថានភាពនៅកន្លែងកើតហេតុណ៍។
សូមរម្លឹកផងដែរថា កាលពីឆ្នាំ ២០១៦ ក៍មានគ្រោះថ្នាក់ចរាចរណ៍ដ៏គួរឲ្យរន្ធត់កើតឡើងផងដែរ ក្រោយពេលរថយន្តក្រុងបុកជាមួយនឹងរថយន្តដឹកជំនិញធុនធំ នៅទីក្រុង Kintampo បណ្តាលឲ្យមនុស្សចំនួន ៦១នាក់ស្លាប់បាត់បង់ជីវិត៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN