យុវតីអាយុ ១៨ ឆ្នាំម្នាក់ នៅម៉ាឡេស៊ី ប៊ិះតែបន្តិចទៀតត្រូវពស់ថ្លាន់ប្រវែងជាង ៣ ម៉ែត្រ ឆក់យកជីវិតបាត់ទៅហើយ ។
ពស់ថ្លាន់នេះមានប្រវែងជាង ៣ ម៉ែត្រ ទម្ងន់ដល់ទៅ ២៦ គីឡូក្រាម ។
តាមកាសែត Sinar Harian ឲ្យដឹងថា នៅវេលាម៉ោងប្រមាណ ៤ ទៀបភ្លឺ ថ្ងៃទី ២០ មីនា នៅអគារខ្ពស់១ នាទីក្រុង Kuala Terengganu នាងNor Alia Aqilla Jamaluddin កំពុងលង់ដំណេកក្នុងបន្ទប់ ។ នាងបានភ្ញាក់ដឹងខ្លួនម្តងវេលាម៉ោង ៣ ហើយក៏លង់ដំណេកវិញ ។ នៅវេលាម៉ោង 4 នាងទទួលអារម្មណ៍ថាមានអ្វីកំពុងចលនាលើករបស់ខ្លួន ។ ហើយទទួលអារម្មណ៍ថាមានអណ្តាតសើមៗលិទ្ធកនាង ។ នាងក៏ស្ទុះក្រោកហើយបើកភ្លើង ។ ពុទ្ធោអើយ ! ថ្លាន់ធំមួយកំពុងស្ថិតក្នុងបន្ទប់គេង ។
ប្រការដែលនាងមិនអស់ចិត្តនោះគឺនាងរស់នៅជាន់ទី ១៤ ហើយបែបណាដែលវាឡើងមកដល់នោះ!? ប៉ុន្តែក្រោយការបង្ក្រាបបានសម្រេច នៅវេលាម៉ោង ៥និង៣០នាទី ក្រុមសង្គ្រោះប្រាប់ថា ព្រោះអាកាសធាតុក្តៅវាធ្វើឲ្យពពួកល្មូនព្យាយាមស្វែងរកកន្លែងត្រជាក់ ហេតុនេះត្រូវប្រយ័ត្ន ។
កម្ពុជាយើងក៏កំពុងស្ថិតក្នុងសភាពស្រដៀងគ្នា ហេតុនេះពលរដ្ឋនៅកៀកតំបន់ព្រៃ គប្បីលើកកម្ពស់ស្មារតីប្រុងប្រយ័ត្ន ពិសេសក្មេងតូចៗ ៕