តាម The Sun លោកតា Stephen Mckears ជាជាងភ្លើងចូលនិវត្តន៍ មានអាយុ ៧២ ឆ្នាំ រស់នៅមណ្ឌល Glou cester ប្រទេសអង់គ្លេសបានសង្កេតឃើញរបស់ របរលើតុរបស់ខ្លួនប្តូទីកន្លែងជាប្រចាំតាំងពី១ខែមុន ។ របស់របរខ្ចៅខ្ចងលើតុ តែងត្រូវបាន “ចលនា” ចូលក្នុងកេសជ័រមួយក្បែរនោះ ។
លោក Stephen Mckears ។
ដំបូងលោកគិតថាប្រហែលភាពចងចាំរបស់ខ្លួនចុះផ្សាយ ហេតុនេះដើម្បីបញ្ជាក់ការពិត លោកបានរៀបចំកាមេរ៉ា ដើម្បីលបថត ។ របស់របរដែលលោកចេតនាដាក់រាយប៉ាយ ត្រូវបានតម្រៀបចូលក្នុងកេសជានិច្ច ។
លោកក៏យកវីដេអូពីកាមេរ៉ាមកពិនិត្យមើល ហើយស្ទើពុំជឿថា អ្នកជួយរៀបចំរបស់របរទាំងនោះ គឺជាកណ្តុរមួយក្បាលទៅវិញ ។ វាពិតជាប្រឹងប្រែងដែលសូម្បីវត្ថុមានទម្ងន់ទ្វេដង វាក៏ខាំទាញចូលកេសដែរ ។
កណ្តុរចម្លែកនេះតែងចេញធ្វើការ “រៀបចំ” នៅវេលាអធ្រាត ដល់ម៉ោងប្រហែល ២និង៣០នាទី ទៀបភ្លឺ។ មានន័យថាវាបានធ្វើកិច្ចការនេះ ១ខែមកហើយ ។
លោក Stephen ចែករំលែកថា ៖ ដំបូងឡើយក្មេងៗចេះតែនិយាយថាទង្វើបែបនេះ មានតែ…ខ្មោច ។ ឥឡូវគឺច្បាស់ហើយ កណ្តុរសោះ ។ ខ្ញុំនឹងបន្តទុកឲ្យវាធ្វើការងារដែលវា…ចង់ ។
ដើម្បីឲ្យប្រាកដប្រិយមិត្តទស្សនាវីដេអូ