នៅអ៊ីតាលី កាលពីដើមខែមីនានេះ បានដាក់ចេញបទកំណត់ឲ្យក្មេងក្រោមអាយុ ៦ឆ្នាំ ត្រូវទៅចាក់វ៉ាក់សាំងបង្ការអុតស្វាយ និងជំងឺមួយចំនួនទៀត ពុំនោះសោតមិនអនុញ្ញាតឲ្យចូលសាលារៀនទេ ។
អ្នកនយោបាយអ៊ីតាលី Massimiliano
តាម Timee ផ្សាយថ្ងៃទី ២០ មីនា នោះ Massimi Liano មកពីគណបក្សសម្ព័ន្ធភាពឆ្វេងនិយម បានត្រូវចូលដេកពេទ្យ ៤ ថ្ងៃ ដើម្បីតាមដានជំងឺអុតស្វាយ ។
ប្រការដែលគួរឲ្យនិយាយនោះ គឺមុននោះអ្នកនយោបាយ “ប្រឆាំងផ្កាប់មុខ” នេះបានប្រឆាំងដាច់អហង្ការនូវច្បាប់ lorenzin ត្រូវបានដាក់ឲ្យអនុវត្តពីថ្ងៃទី ១០ មីនា ដែលកំណត់ចំពោះក្មេងអាយុក្រោម ៦ ឆ្នាំ បើពុំចាក់វ៉ាក់សាំងការពារអុតស្វាយ និងជំងឺមួយចំនួនទៀតទេ គឺមិនអនុញ្ញាតឲ្យចូលរៀនឡើយ ។ ម្យ៉ាងទៀតច្បាប់នេះ និងដាក់ពិន័យ ដោយផាកលុយ ៥៦០ USD ចំពោះអាណាព្យាបាលដែលមិនបង្ហាញបានក្រដាសស្នាមចាក់ថ្នាំបង្ការនោះ ។
អ្នកនយោបាយប្រឆាំងរូបនេះថា “ពុំត្រូវបង្ខំ”ឲ្យកូនៗចាក់វ៉ាក់សាំងបង្ការទេ ហើយបានថ្កោលទោសចំពោះអ្នកប្រជាធិបតេយ្យដែលមានសមាជិកច្រើនជាងគេក្នុងសម្ព័ន្ធភាពកាន់អំណាចថា “ផ្តាច់ការ” ព្រោះចាប់បង្ខំអនុវត្តច្បាប់នេះ! ។
មិនបានប៉ុន្មានផងអ្នកនយោបាយរូបនេះ បានកើត…អុតស្វាយ ហើយលើបណ្តាញ FB គាត់បែរជាសរសេរថា ៖ “ខ្ញុំជានិច្ចជាកាលគាំទ្រវ៉ាក់សាំង ប៉ុន្តែដើម្បីទទួលបានលទ្ធផល ចាំបាច់ត្រូវទទួលបានការព្រមព្រៀងរបស់គ្រួសារពុំដែលចាប់បង្ខំពួកគេទេ…” ។
លោក Massimiliano ទទួលការពេបជ្រាយយ៉ាងខ្លាំងពីសំណាក់បណ្តាញសង្គមដោយគេថា ៖ ប្រសិនបើលោកចម្លងវាឲ្យស្ត្រីគភ៌ម្នាក់ នាងអាចត្រូវរម្លូតកូន ឬក្មេងកើតមកពុំគ្រប់លក្ខណៈ ។ ការដែលលោកកើតអុតស្វាយនេះ វាមានប្រយោជន៍ជួយដាស់តឿនដល់អាណាព្យាបាលទាំងឡាយដែលនៅរារែក និងផ្លាស់ប្តូរគំនិតចាក់ចោល ៕ ចន្ទ្រា