ខេត្តកំពង់ស្ពឺ ÷ ថៃ្ងទី២៥ ខែមីនា ឆ្នាំ២០១៩ មុខសញ្ញាសង្ស័យពាក់ព័ន្ធក្នុងករណីជួញដូរសារធាតុញៀនខុសច្បាប់ ៤នាក់ ត្រូវបានកំលាំងនគរបាលធ្វេីការស្រាវជ្រាវបង្ក្រាបបានលើ ០២ គោលដៅផ្សេងគ្នា និងដកហូតវត្ថុតាងបានមួយចំនួន។
ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ស្រុកគងពិសី ឃាត់ខ្លួន ៣នាក់ នៅចំណុចភូមិ បាក់ករ ឃុំព្រៃញាតិ ១.ឈ្មោះ ស៊ុំ ថន ប្រុស អា យុ ៣៥ឆ្នាំ មុខ សញ្ញាចាស់ ២.ឈ្មោះ ហួន សុផល ប្រុស អាយុ ២៥ ឆ្នាំ ជនសង្ស័យទាំង ២ នាក់ រស់នៅភូមិបាក់ករ ឃុំព្រៃញាតិ ស្រុកគងពិសី ៣.ឈ្មោះ សឿង តួ ប្រុស អាយុ ៤០ឆ្នាំ នៅភូមិតានៃ ឃុំព្រៃញាតិ ស្រុកគងពិសី នគរបាលដកហូតបានគ្រឿងញៀនប្រភេទម៉ាទឹកកក ១ កញ្ចប់តូច ,ទូរស័ព្ទ ដៃ ៥ រួម នឹងឧបករណ៍ប្រើប្រាស់គ្រឿងញៀនមួយចំនួន។
ស្រុកឧដុង្គ ឃាត់មុខសញ្ញា ១នាក់ឈ្មោះ ឃឺន ស៊ុយទ្រី ប្រុស អាយុ ២២ឆ្នាំ នៅចំណុចភូមិសាវង្សលើ ឃុំវាលពន់ ស្រុកឧដុង្គ នគរបាលដកហូតគ្រឿងញៀនចំនួន ៣ កញ្ចប់មធ្យម ,ទូរស័ព្ទដៃ ១ រួម នឹងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នមុខសញ្ញាសង្ស័យ ០៤នាក់រួមទាំងវត្ថុតាងត្រូវបានបញ្ជូនមកការិយាល័យជំនាញ ចាត់ការកសាងសំណុំរឿងបញ្ជូនទៅអយ្យការ អមសាលាដំបូងខេត្ដកំពង់ស្ពឺ ចាត់ការតាមនីតិវិធីច្បាប់៕ ដោយ:កូឡាប
