ហេតុការណ៍គ្រោះថ្នាក់គួរឲ្យតក់ស្លុតនេះកើតឡើងនៅវេលាម៉ោង ១៤ និង ០០ នាទី ល្ងាចថ្ងៃ ២០ មីនា លើផ្លូវជាតិ M90 នៅ Perthshire ប្រទេសអង់គ្លេស ។ រថយន្តពណ៌សមួយបានបើកបរបញ្ច្រាស់ទិសក្នុងល្បឿនលឿនគួរសម ។ បន្ទាប់មកវាបានបុកនឹងរថយន្តពណ៌លឿងរត់ត្រឹមត្រូវ រួចបន្តប៉ះនឹងរថយន្តដទៃទៀតមុនពេលវាវិលខ្ញាល់ហើយនឹងថ្កល់ ។
ភ្លាមៗប៉ូលិសមានវត្តមាន ។ ថ្វីត្បិតមានអ្នករបួសច្រើន តែពុំធ្ងន់ធ្ងរដល់ជីវិត ។ គេនៅពុំទាន់ដឹងវាសនារបស់អ្នកបញ្ជារថយន្តពណ៌សទេ ។
សាក្សីម្នាក់ឲ្យដឹងថា ៖ បុរសនោះបើកបរក្នុងល្បឿនប្រមាណពី ៥០-៧០ km/h ហើយគាត់ហាក់ដូចជាភ័យខ្លាំងណាស់ ។ គាត់ប្រាកដជាដឹងថា ខ្លួនបានជ្រុលចូលគន្លងផ្លូវនេះ ហើយវាជាផ្លូវបញ្ច្រាស់ ប្រហែលគាត់គ្មានចេតនាបើកបរបញ្ច្រាស់នោះទេ ។
យ៉ាងណាច្បាប់គឺជាច្បាប់ពុំអាចថាមិនដឹងច្រឡំ ឬយ៉ាងណាទេ! ។
រឿងបើកបញ្ច្រាស់ទិសបែបនេះនៅស្រុកយើងភាគច្រើនគឺ…ចេតនា ព្រោះអាង… ៕ ចន្ទ្រា