សម្តេចតេជោ បានថ្លែងថា ថ្ងៃទី 26 ខែមីនា នេះ យើងបានជួបមនុស្សយន្ត (Robot) កញ្ញា Sophia ក្នុងពេលដែលកម្ពុជាកំពុងសំឡឹងមើលអំពីឱកាស និងអត្ថប្រយោជន៍នៃការឈានចូលដំណាក់កាលឧស្សាហកម្ម ៤.០។ សព្វថ្ងៃនេះ នៅប្រទេសមួយចំនួនគឺគេកំពុងដាក់អោយប្រើប្រាស់គ្រឿងយន្ត (Robot) ដើម្បីជំរុញសង្វាក់ផលិតកម្មអោយមានសន្ទុះបរិមាណខ្ពស់ប្រកបដោយគុណភាព ដែលចំណេញទាំងពេលវេលា និងចំណេញទាំងការប្រើប្រាស់ចំនួនបុគ្គលិកកម្មករ។
សម្តេចនាយករដ្ឋមន្ត្រី បានបញ្ជាក់ថាបច្ចេកវិទ្យាឌីជីថល ក្នុងយុគសម័យឧស្សាហកម្ម ៤.០ គឺជាតម្រូវការចាំបាច់របស់ប្រទេសជាតិនាពេលបច្ចុប្បន្ន និងទៅអនាគត។ ដើម្បីប្រកួតប្រជែង និងទាញយកនូវអត្ថប្រយោជន៍ជាច្រើនពីយុគសម័យឌីជីថលឧស្សាហកម្ម ៤.០ យើងចាំបាច់ត្រូវមានធនធានមនុស្សគ្រប់គ្រាន់។ តើកម្ពុជាអាចឈានចូលដំណាក់កាលនេះបានឬនៅ?៕ ដោយ ៖ កូឡាប
