ប្រទេសអ៊ឺរ៉ុបចំនួន ៥ បានធ្វើការជំទាស់ទៅនឹងសេចក្តីសម្រេចចិត្តរបស់ប្រធានាធិបតីអាមេរិច ដូណាល់ ត្រាំ ក្នុងការទទួលស្គាល់តំបន់ Golan Heights ជាទឹកដីរបស់ប្រទេសអ៊ីស្រាអ៊ែល ដោយប្រទេសទាំងនោះសំដែងការព្រួយបារម្ភថា វិធានការរបស់លោក ត្រាំអាចនឹងធ្វើឲ្យមានផលវិបាក កាន់តែធ្ងន់ធ្ងរ។
ប្រទេសប៊ែលហ្សិកច អង់គ្លេស បារាំង អាឡឺម៉ង និងប៉ូឡូញបានបញ្ជាក់ថា គោលជំហររបស់អ៊ឺរ៉ុបគឺមិនផ្លាស់ប្តូរឡើយ ដោយចាត់ទុកតំបន់ Golan Heights ជាទឹកដីរបស់ប្រទេសស៊ីរីដដែល ដោយស្របតាមច្បាប់អន្តរជាតិនៅក្នុងសេចក្តីសម្រេចរបស់អង្គការសហប្រជាជាតិ។
“ពួកយើងមិនទទួលស្គាល់ទឹកដីណាដែលអ៊ីស្រាអ៊ែលឈ្លានពានកាន់កាប់បានចាប់តាំងពីខែ មិថុនា ឆ្នាំ ១៩៧៦ឡើយ រួមមានតំបន់ Golan Heights ជាដើម ហើយពួកយើងមិនចាត់ទុកវាជាផ្នែកមួយនៃទឹកដីរបស់អ៊ីស្រាអ៊ែលឡើយ”។ នេះបើតាមការថ្លែងរបស់ឯកអគ្គរដ្ឋទូតប៊ែលហ្សិកឈ្មោះ Marc Pesteen de Buytswerv ទៅកាន់អ្នកសារពត៌មាន។
សេចក្តីសម្រេចចំនួន៣ របស់ក្រុមប្រឹក្សាសន្តិសុខអង្គការសហប្រជាជាតិបានស្នើឲ្យអ៊ីស្រាអ៊ែលឲ្យដកខ្លួនចេញពីតំបន់ Golan Heights ដែលខ្លួនដណ្តើមបានក្នុងកំឡុងសង្គ្រាម ក្នុងឆ្នាំ ១៨៦៧ និងបញ្ជូលជាឧបសម្ព័ន្ធរបស់ខ្លួ ក្នុងឆ្នាំ ១៩៨១ ដែលការបញ្ជូលនោះ វាមិនត្រូវបានទទួលស្គាល់ដោយច្បាប់អន្តរជាតិឡើយ។
ចំណែកឯកអគ្គរដ្ឋទូតស្តីអាមេរិចឈ្មោះ Jonathan Cohen បានថ្លែងប្រាប់កិច្ចប្រជុំប្រឹក្សាសន្តិសុខថា ទីក្រុងវ៉ាស៊ីនតោនសម្រេចចិត្ត ដើម្បីប្រឆាំងទៅនឹងប្រធានាធិបតីប្រទេសស៊ីរី Bashar al-Assad និងប្រទេសអ៊ីរ៉ង។
លោកបញ្ជាក់ថា “បើអោយតំបន់ Golan Heights ត្រូវបានកាន់កាប់ដោយរបបស៊ីរី និងអ៊ីរ៉ង ពួកគេនឹងមិនអើពើទៅនឹងអំពើឃោរឃៅរបស់របបលោក Bashar al-Assad ហើយវានឹងបណ្តាលឲ្យមានគ្រោះថ្នាក់”។
ជុំវិញសេចក្តីសម្រេចចិត្តរបស់អាមេរិចនោះដែរ រុស្សី និងចិន ប្រឆាំងជំទាស់ ចំណែកឥណ្ឌូននេស៊ី និងអាហ្វ្រិចខាងត្បូង ដែលគាំទ្រប៉ាឡឹស្ទីន ក៏ជំទាស់ផងដែរ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
