សាលាមធ្យមសិក្សាអនុវត្តមួយនៅចេងឌូ ខេត្តស៊ឺជាំង បានធ្វើឲ្យសិស្សពុលអាហារ ព្រោះកេងបន្លំយកអាហារអន់គុណភាពបម្រើឲ្យសិស្ស ។
ហេតុការណ៍នេះបណ្តាលឲ្យអាណាព្យាបាលរាប់រយនាក់បានធ្វើបាតុកម្មទាមទាររកយុត្តិធម៌ ។
រឿងរ៉ាវកើតឡើងកាលពីថ្ងៃទី ១២ មីនា នៅសាលាមធ្យមសិក្សាឯកជនដែលមានថ្លៃសិក្សាខ្ពស់ជាងគេនៅខេត្តសឺជាំង ។ ព្រោះតែបរិភោគអាហារខូចគុណភាព សិស្សយ៉ាងតិច ៣៦នាក់ ត្រូវបញ្ជូនទៅមន្ទីរពេទ្យ ហើយសិស្សខ្លះរាករូស បន្ទោរបង់មានឈាម… ។
ដល់ថ្ងៃទី ១៨ មីនា សិស្ស ១២០ នាក់ផ្សេងទៀតបានទៅពិនិត្យសុខភាពនៅមន្ទីរពេទ្យ ។ អាណាព្យាបាលទាំងលែងបានក៏នាំគ្នាធ្វើបាតុកម្មនៅមុខសាលា ។ ប៉ូលិសមានវត្តមានដើម្បីរំសាយហ្វូងមនុស្សពោរពេញដោយ…កំហឹងទាំងនោះ ។
អាណាព្យាបាលលើកឡើងថា ពួកគេបានបង់ថ្លៃសិក្សារាប់ពាន់ដុល្លារឲ្យកូននៅតែបែរជាទទួលបានអាហារកខ្វក់មិនធានាដល់សុខភាព ។
អភិបាលក្រុងបានថ្លែងថា ៖ សាលាត្រូវទទួលខុសត្រូវចំពោះការគ្រប់គ្រងអន់ខ្សោយបែបនេះ ហើយថាប្រការនេះបង្កអស្ថិរភាពសង្គមឥទ្ធិពលអាក្រក់ដល់សហគមន៍ ហើយខ្ញុំពិតជា…អៀនខ្មាស់ណាស់! ។
ក្រៅពីពង្រឹងការគ្រប់គ្រងឃ្លាំមើលអាជ្ញាធរបានដាក់បញ្ជាឲ្យអ្នកដឹកនាំសាលា គ្រូបង្រៀនត្រូវបរិភោគអាហារជាមួយសសិស្ស…ដាច់ខាត! ៕ ចន្ទ្រា