ភ្នំពេញ ៖ ពាក់ព័ន្ធនឹងគ្រោះថ្នាក់ចរាចរ ដែលរថយន្ត range rover ស៊េរីទំនើបបុកម៉ូតូគុបជ្រុងបណ្តាលឲ្យស្ត្រីម្នាក់ស្លាប់នោះចម្ងល់ ជាច្រើនត្រូវបានលើកឡើង នៅពេលដែលឃើញលោកផែងវណ្ណ: នាំយកថវិកា 5 ពាន់ដុល្លារទៅចូលបុណ្យសពនិងអុជធូបថ្វាយបង្គំ់ បណ្ដាញសង្គមបានលើកឡើងថាតើជនបង្កមានអ្វីទាកទងនឹងលោក ផែង វណ្ណៈ បានជាលោក ផែង វណ្ណៈ ក្លាយទៅជាជននាំសារ
ឲ្យឃាតករសម្លាប់និស្សិតឆ្នើមទៅវិញ ចុះហេតុអ្វីមិននាំជនបង្កទៅអុជធូបគោរពវិញ្ញាណក្ខ័ន្ធសពជនរងគ្រោះ ។
លោកពេជ្រ ស្រស់ ប្រធានគណបក្សយុវជនកម្ពុជានិងជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់នៅថ្ងៃ ២៧ មីនា ២០១៩បានសរសេរលើហ្វេសប៊ុកផ្លូវការរបស់លោកថា តើជនបង្កមានអ្វីទាក់ទងនឹងលោក ផែង វណ្ណៈ ?
បានជាលោក ផែង វណ្ណៈ ក្លាយទៅជាជននាំសារឲ្យឃាតករសម្លាប់និស្សិតឆ្នើមទៅវិញ ចុះហេតុអ្វីមិននាំជនបង្កទៅអុជធូបគោរពវិញ្ញាណក្ខ័ន្ធសពជនរងគ្រោះ បែជាឲ្យអ្នកមិនមែនជាជនបង្កទៅជំនួសខ្លួនវិញ? បើតាមខ្ញុំដឹងចរិកលោក ផែង វណ្ណៈ គឺនឹងស្រែកជំទាលរកមុខអ្នកបង្កឲ្យទៅទទួលទោស ប៉ុន្តែលើកនេះ គឺផ្ទុយស្រលះ ដោយសារជនបង្កមានទំនាក់ទំនងជាមួយនឹងខ្លួន បែរជាលោក ផែង វណ្ណៈ មិនស្រែកជំទាលរកជនបង្កទេ ថែមទាំងស្មក្រ័ចិត្តធ្វើជាព្រាបនាំសារយកថវិកាជូនគ្រួសារសពជនរងគ្រោះថែមទៀតផង។ ខ្ញុំចង់ប្រាប់ទៅលោក ផែង វណ្ណៈ និងក្រុមអ្នកបង្កថាលុយមិនអាចទិញជីវិតមនុស្សបានឡើយ ហើយលោក ផែង វណ្ណៈ គួរឲ្យយោបល់ទៅជនបង្កឲ្យចេញមុខទទួលខុសត្រូវតាមផ្លូវច្បាប់ទើបជាការប្រសើរ។
ដូច្នេះករណីនេះ បើមិនប្រយត្ន័ទេ គឺលោក ផែង វណ្ណៈ ក៏អាចមានទោសដែរ គឺ ជាប់ពីបទឃុបឃិតសមគំនិត និងពីបទលាក់បំពួនឃាតករ។
នៅលើ facebook ផ្លូវការលោកផែងវណ្ណៈបាននិយាយថា នៅវេលាម៉ោង ១២និង០០ នាទី ថ្ងៃទី ២៧ ខែ មីនា ឆ្នាំ ២០១៩ ខ្ញុំបាទតំណាងអោយម្ចាស់រថយន្តលេខ 2AF-7777 ភ្នំពេញ បាននាំយកថវិកាចំនួន ៥០០០ ដុល្លារ អាមេរិក ទៅចូលបុណ្យសពក្មួយស្រី ឌុំ រីដា នៅភូមិកំពង់ដំរី ឃុំ ព្រែកតាម៉ាក់ ស្រុកខ្សាច់កណ្ដាល ខេត្តកណ្ដាល ។ បន្ទាប់ពីបុណ្យសពរួចឪពុកម្តាយ ក្មួយស្រីនឹងឡេីងមកដោះស្រាយដើម្បីទទួលសំណងរដ្ឋប្បវេណី នៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ។ ចំពោះបញ្ហាអ្នកបើកបរតុលាការនឹងបន្តការងារតាមនិតិវិធី ។
សូមវិញ្ញាណក្ខន្តក្មួយស្រីបានទៅកាន់សុគតិភពកុំបីឃ្លៀងឃ្លាតឡើយ ។
នៅថ្ងៃទី២៧ខែមីនាឆ្នាំ២០១៩នេះ អង្គភាពអ្នកនាំពាក្យរាជរដ្ឋាភិបាល បានចេញសេចក្តីថ្លែងការណ៍ ចំពោះការការបាត់បង់និស្សិត ឌុំ រីដា នៅក្នុងបរិបទគ្រោះថ្នាក់ចរាចរ ដ៏តក់ស្លុតនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ក៏ដូចជាមហាជនបានយកចិត្តទុកដាក់ខ្ពស់ ពិតប្រាកដណាស់នេះ ជាសារមួយដ៏ត្រឹមត្រូវ និងជាសំណូមពរដល់ភាគីពាក់ព័ន្ធ រាស្ត្រ និងរដ្ឋ “រួមគ្នាប្រឆាំងនឹងអ្នកបើកបរ ដែលមានឥរិយាបទឃោរឃៅ គ្មានគុណធម៌ សីលធម៌ ធ្វេសប្រហែស និងបង្កគ្រោះថ្នាក់ដល់ជីវិតសាធារណជន” គឺមិនត្រឹមតែរកយុត្តិធម៌ ដល់ជនរងគ្រោះនោះទេ គឺវិធានការម៉ឺងម៉ាត់ជាមួយ នឹងការទប់ស្កាត់ការពារសាធារណជន ប្រកបដោយប្រសិទ្ធភាពខ្ពស់ ដែលអាចទទួលយកបានផងដែរ។
ជាមួយគ្នានោះផងដែរ ក្នុងនាមរាជរដ្ឋាភិបាល សូមសម្តែងនូវការសោកស្តាយបំផុត និងសូមចូលរួមរំលែកនូវមរណទុក្ខក៏ក្រៀមក្រំដល់គ្រួសារសព និងសូមវិញ្ញាណក្ខន្ធក្មួយស្រីបានទៅកាន់សុគតិភព។
សម្តេចតេជោហ៊ុនសែន ស្នើឲ្យតាមចាប់ អ្នកបើកឡាន បុកនិស្សិតស្រី ។ ទោះឪពុកចេញមុខទទួលខុសត្រូវ ក៏ត្រូវតែនាំកូនស្រី បង្កហេតុ មកឲ្យតុលាការកាត់ទោសផងដែរ បើទោះជាសំណងរដ្ឋប្បវេណី ត្រូវទូទាត់សងក៏ដោយ ។ សម្តេចតេជោ បានបន្ថែមថា មកពីក្នុងខ្លួនអត់មានគុណធម៌ ទាក់ទងនឹងករណីគ្រោះថ្នាក់ចរាចរ រថយន្តបុកនិស្សិតស្លាប់ ត្រូវតែតាមរកអ្នកបង្កហេតុឲ្យឃើញ ហើយបណ្តាលមកពីអ្វី ។ សម្តេចនាយករដ្ឋមន្ត្រី ថ្លែងក្នុងពិធីចែកសញ្ញាបត្រ ដល់គរុសិស្សនិងសិស្សនៃវិទ្យាស្ថានជាតិអប់រំ នាព្រឹកថ្ងៃទី២៧ ខែមីនា ឆ្នាំ២០១៩។ សម្តេចនាយករដ្ឋមន្ត្រី ហ៊ុន សែន ក៏បានតាមដានដែរ ពីករណីរថយន្តបុកនិស្សិតស្រីឆ្នាំទី៤ បណ្តាលឲ្យស្លាប់ភ្លាមៗនៅក្នុងរាជាធានីភ្នំពេញ កាលពីថ្ងៃទី២៦មីនា។ សម្តេចនាយករដ្ឋមន្ត្រី បានបញ្ជាទៅសមត្ថកិច្ចយ៉ាងដូច្នេះថា៖”ម្សិលមិញឃើញគេផ្សាយថាបុកនិស្សិតស្រីឲ្យស្លាប់។ ត្រូវតាមរក អ្នកបើក ឲ្យឃើញ។ អាហ្នឹង តើមកអ្វី? គឺមកពីអ្នកបើក អត់គុណធម៌ហ្នឹងឯង”។
លោកវរសេនីយ៍ឯក សែម គន្ធា ប្រធានការិយាល័យចរាចរណ៍ផ្លូវគោក រាជធានីភ្នំពេញ បានប្រាប់ថា ជនបង្កបើករថយន្ត Rang Rover ស្លាកលេខ ភ្នំពេញ 2AF-7777 បុកនិស្សិតស្រីស្លាប់ ព្រមចូលខ្លួនដោះស្រាយ នៅការិយាល័យចរាចរណ៍ក្រុងហើយ នៅវេលាម៉ោងជាង១០ ថ្ងៃទី២៧ ខែមិនា ឆ្នាំ២០១៩។
បើទោះបីជាជនបង្កមកបង្ហាញខ្លួននៅការិយាល័យចរាចរជើងគោករាជធានីភ្នំពេញ ក៏ដោយ ប៉ុន្តែមិនត្រូវបានបង្ហាញជាសធារណៈនោះទេ ។ ប្រធានការិយាល័យចរាចរណ៍ជើងគោកមិនទាន់បង្ហាញឲ្យដឹងពីអត្តសញ្ញាណ អ្នកបើករថយន្តនោះនៅទ្បើយទេ ដោយលោកបានបញ្ជាក់ថា មន្ត្រីរបស់លោក កំពុងតែសួរនាំ ដើម្បីធ្វើកំណត់ហេតុ ក្នុងនោះលោក បានបញ្ជាក់ថា ជនបង្កបានយកថវិកាចំនួន ២០លានរៀល ទៅចូលបុណ្យសពជនរងគ្រោះផងដែរ។
រថយន្ត Rang Rover ពណ៌ខ្មៅ ផ្លាកលេខភ្នំពេញ 2AF-7777 ដែលបើកបុកស្លាប់និស្សិតស្រីម្នាក់ស្លាប់ ត្រូវបានគេប្រទះឃើញនៅតាមបណ្តោយផ្លូវសឡា (៣៧១) សង្កាត់ស្ទឹងមានជ័យ៣ ខណ្ឌមានជ័យ នាកណ្តាលរាត្រីថ្ងៃទី២៦ ខែមីនា ឆ្នាំ២០១៩។ ការប្រទះ ឃើញរថយន្តនេះ ត្រូវបានមហាជនដាក់ការសង្ស័យថា ម្ចាស់រថយន្តនេះយកប្លុងចោល ដើម្បីឱ្យសមត្ថកិច្ចអូស យកទៅរក្សាទុកការិយាល័យចរាចរណ៍ជើងគោក ចំណែកម្ចាស់រថយន្ត មិនបានចូលខ្លួនដោះស្រាយនោះទេ រហូតដល់ព្រឹកនេះ។
រថយន្ត range rover ស៊េរីទំនើបនេះដែលមានម្ចាស់ដើមឈ្នះសេងពិទូរ្យ ហើយលោកសេង ពិទូរ្យ បានលក់រថយន្តនោះឲ្យទៅអ្នកផ្សេងមួយទៀត ។ ហើយម្ចាស់ឃ្លាំងរថយន្ត នោះបានលក់រថយន្តឲ្យទៅឈ្មោះយិន ង្គិច ។ ឈ្មោះយិន ង្គិច កំពុងប្រើប្រាស់រហូតដល់បច្ចុប្បន្ននេះ។
បើតាមបណ្ដាញសង្គម facebook បានលើកឡើងថា លោក យិន ង្គិច មានលេខទូរសព្ទ័ 012911111 ជាម្ចាស់សណ្ឌាគារអ៊ីមប្រេសអង្គរ Empress Angkor Hotel សៀមរាប និង ជាសមាជិកក្រុមប្រឹក្សាខេត្តសៀមរាប បើយោងតាមលិខិតទិញលក់ ប៉ុន្ប៉ុន្តែពេលបន្ទាប់ពីទិញជិះមួយរយ:មកគាត់ក៏អាចលក់ឲ្យអ្នកដ៏ទៃផ្សេងទៀតដែរ ) សមត្ថកិច្ចគួរតែរកចាប់ខ្លួនអោយបានឆាប់បន្តិចព្រោះមានភស្តុតាងគ្រប់គ្រាន់ហើយ។
ម្ចាស់ឡាន Range Rover ពណ៌ខ្មៅ ស្លាកលេខ 2AF-7777 គឺឈ្មោះ យិន ង្គិច ចង់ទទួលខុសត្រូវជំនួសកូនស្រីឈ្មោះ យិន ម៉ាណា ដែលត្រូវបានគេសង្ស័យថាបើកបុកនិស្សិតស្រីឆ្នាំទី៤ស្លាប់ កាលពីល្ងាចថ្ងៃទី២៦ ខែមិនា ឆ្នាំ២០១៩។ ឈ្មោះ យិន ម៉ាណា ត្រូវបានគេទម្លាយរឿងឲ្យដឹងថា មានសញ្ជាតិអាមេរិកផងដែរ៕ ដោយ : កូឡាប