នៅក្នុងខេត្ត ផ្រែរ ភូមិ បានធុងហ្ស៊ី ប្រទេសថៃ មានប្រជាជនជាង៨០គ្រួសារ ហើយក្នុងផ្ទះនីមួយៗគឺមានសត្វចិញ្ចឹម មួយប្រភេទដែលពួកគេអោយតម្លៃខ្លាំងណាស់ ព្រោះវាជាប្រយោជន៍សំខាន់ក្នុងការស់នៅនិងផ្គត់ផ្គង់ជីវភាពផងដែរ។ ក្រៅពីអាចយកអាចម៍វាទៅធ្វើជាជី គេនៅអាចយកនោមរបស់វាទៅលាយស្រោចដំណាំអោយមានភោគផលបានល្អទៀតផង! ។
អ្នកភូមិនៅបានបង្កើតរោងស្តុកដែលគេហៅថាជា “ធនាគា ជន្លេន“ ដែលអាចផ្ដល់ជន្លេនទៅដល់អ្នកដែលប្រើប្រាស់ច្រើនហើយមិនមានពូជទុកបង្ករបង្កើតបន្ត តែក្នុងការខ្ចីត្រូវតែសងវិញអោយគ្រប់ចំនួន (មិនបានន័យថារាប់ជាចំនួនក្បាលទេ តែគេអោយខ្ចីជាគីឡូ)។
ក្នុងភូមិនេះដែរគេនៅមានទម្លាប់ប្រចាំដ៏ចម្លែកមួយ គឺយកជន្លេនមក Spa លើដងខ្លួន! ដោយយកជន្លេនចិញ្ចឹមទាំងនោះទៅលាងសម្អាតហើយយកមកដាក់រោយអោយវា វានៅលើស្បែក ដើម្បីជួយអោយស្បែកទន់និងមានសំណើម រីឯប្រអប់ជើងវិញសម្រាប់អ្នកដែលមានក្លិននោះវាអាចជួយបំបាត់បាន។ ក្នុងការអប់ម្ដងៗគឺមានរយៈពេល២០នាទី សម្រាប់ជើង និង៣០នាទី សម្រាប់កាបំពោកនៅលើដងខ្លួន៕ ដោយ ៖ ក្ខិណី