អ្នកទោសម្នាក់បានគ្រប់គ្រងបើកទ្វារក្រោយឡានប៉ូលីស រត់គេចខ្លួនទាំងដៃជាប់ខ្នោះយ៉ាងលឿន ទម្រាំដេញតាមចាប់បានអស់រយៈពេលជិត១ម៉ោង ។
បុរសម្នាក់អាយុ ២៩ ឆ្នាំ ត្រូវបានដឹកទៅកាន់ Brisbane នៅពេលនោះ កាត់បានរំដោះខ្លួនពីរថយន្តប៉ូលីសស្ថិតនៅលើផ្លូវ Toowoomba Ranage វេលាម៉ោង ៨ និង ៣០ នាទី ថ្ងៃពុធ ។
អធិការស្តីទីលោក Jason Hopgood និយាយថា អ្នកទោស ៦ នាក់ កំពុងស្ថិតនៅក្នុងរថយន្ត នៅពេលនោះ ម្នាក់ក្នុងចំណោមពួកគេ បាន «ធាក់ទម្លាយ» ទ្វាក្រោយរថយន្ត ។
លោក Jason បន្តថា៖ «នៅពេលប៉ូលីសឈប់រថយន្ត ស្រាប់តែបុរសនោះអាចលោតចុះចេញ និងរត់គេចខ្លួនពីប៉ូលីសយ៉ាងលឿនតែម្តង ។ សាលារៀន២ត្រូវបានកំណត់ទីតាំងបង្ហាំងទុកក្នុងរយៈពេល ១៥ នាទី ខណៈសមាជិកសាធារណៈត្រូវបានស្នើឲ្យជួយអន្តរាគមន៍ ចូលទៅក្នុងតំបន់ដែលជាកន្លែងបុរសនោះលាក់ខ្លួននៅក្បែរៗនោះ» ។
ក្រុមឆ្កែបានតាមដានស្វែងរកបុរសនោះ ទៅកាន់ផ្ទះមួយនៅ East Toowoomba ។
បុរសនេះបានព្យាយាមរត់គេចខ្លួនទៀត តាមបង្អួច ប៉ុន្តែ កិច្ចខិតខំប្រឹងប្រែងរបស់ប៉ូលីស និងប្រជាពលរដ្ឋ ទីបំផុត អ្នកទោសរូបនេះត្រូវបានចាប់ជាថ្មីឡើងវិញ ។
ប៉ូលីសក៏កំពុងស៊ើបអង្កេត អំពីរបៀបដែលអ្នកទោសរូបនេះ អាចបើកទ្វាក្រោយរថយន្តរត់គេចខ្លួនបានបែបនេះ ៕ រក្សា