នេះជាខណៈពេលដ៏ហួសចិត្ត និងអស់សំណើចមួយ ដែលស្ត្រីម្នាក់នៅក្នុងប្រទេសចិន បើករថយន្តយ៉ាងលឿន មិនប្រយ័ត្នអត់នឹកដល់ថា «កន្លែងនោះ» ជាផ្លូវបំបែកចុងផុត ចាប់ហ្វ្រាំងពុំទាន់ បណ្តាលឲ្យធ្លាក់ចូលក្នុងទឹកទន្លេរួមជាមួយរថយន្តតែម្តង កាលពីថ្ងៃទី២៣ មីនា កន្លងទៅនេះ ។
នៅថ្ងៃកើតហេតុនោះ សីតុណ្ហភាពចុះត្រជាក់ត្រឹម ៦ អង្សាសេ ។ អ្នកភូមិ៣នាក់ បានប្រញាប់ប្រញាល់លោតចុះទឹក ថ្វីបើអាកាសធាតុត្រជាក់ក៏ដោយ ដើម្បីជួយសង្គ្រោះអ្នកបើកបរនោះ ដោយរំដោះចេញតាមបង្អួចរថយន្តវាយបំបែក និងបន្ទាប់មកបញ្ជូនទៅសង្គ្រោះនៅមន្ទីរពេទ្យ – ទីកន្លែងដែលស្ត្រីអ្នកបើកបរនោះបានរួចផុតពីគ្រោះថ្នាក់ហើយ ៕ រក្សា