ប្រទេសប្រ៊ុយណេបានធ្វើការបន្ថែមច្បា់ប់ថ្មីទៅក្នុងក្រមព្រហ្មទណ្ឌរបស់ខ្លួន ដោយធ្វើការដាក់ទោសយ៉ាងធ្ងន់ធ្ងរចំពោះអ្នករួមភេទដូចគ្នា និងការផិតក្បត់ប្រពន្ធ ឬប្តី។
ច្បាប់ថ្មីនោះនឹងត្រូវចូលជាធរមានចាប់ពីថ្ងៃទី ៣ ខែមេសា ហើយចំពោះអ្នកដែលប្រព្រឹត្តខុស នឹងទទួលទោសប្រហារជីវិត ដោយត្រូវគេគប់នឹងដុំថ្មរហូតដល់ស្លាប់។ ការប្រហារជីវិតនោះនឹងត្រូវធ្វើឡើងនៅចំពោះមុខមហាជនមួយក្រុមដែលជាអ្នកកាន់សាសនាអ៊ីស្លាម។
ចំពោះករណីលួចវិញ នឹងទទួលទោសដោយការកាត់ដៃជើងចោល។
ច្បាប់ដ៏តឹងរឹងរបស់ប្រទេសដ៏តូចមួយនេះ ត្រូវបានប្រកាសឡើងដំបូងក្នុងឆ្នាំ ២០១៤ ហើយត្រូវបានធ្វើការកែប្រែជាបន្តបន្ទាប់រហូតដល់មានការដាក់ទោសប្រហារជីវិត។
ក្រុមអង្គការសិទ្ធិមនុស្សបានសម្តែងការតក់ស្លុកចំពោះក្រមព្រហ្មទណ្ឌរបស់ប្រទេសប្រ៊ុយណេ និងស្នើឲ្យប្រទេសនេះបញ្ឍប់ជាបន្ទាន់នូវគំរោងរបស់ខ្លួន ក្នុងការអនុវត្តទោសដ៏សាហាវឃោរឃៅ និងធ្វើការកែប្រែវាឲ្យស្របតាមកាតព្វកិច្ចសិទ្ធិមនុស្ស ៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN