“ឧក្រិដ្ឋជន” ត្រូវបានព្រលែងឲ្យមានសេរីភាពវិញ ទោះបីត្រូវបានដឹកជញ្ជូនបរិមាណទំនិញដ៏ច្រើនក្តី។
អណ្តើកសមុទ្រមួយក្បាល ទើបត្រូវបានកងកម្លាំងសមុទ្រអាមេរិកចាប់ជាប់នៅឯតំបន់សមុទ្រប៉ែកខាងកើត នៃមហាសមុទ្រប៉ាស៊ីភិក ។ ប្រការដែលនឹកស្មានពុំដល់នោះគឺអណ្តើកសមុទ្រនេះកំពុងនាំយកតាមខ្លួនវានូវ cocaine ទម្ងន់ជិតមួយតោន។ ឬទិស អ្នកនាំពាក្យកងកម្លាំងល្បាតនិយាយថា ពួកគេបានឃើញអណ្តើកនេះ នៅតំបន់សមុទ្រអន្តរជាតិកាលពីថ្ងៃទី ១៩/១១ តាមរយៈកម្មវិធីល្បាតជាអចិន្ត្រៃយ៍។ ក្រុមស៊ើបអង្កេតបានប្រើទូកតូចមួយចូលទៅកៀកអណ្តើកនេះ ហើយគេពិតជាស្រឡាំងកាំងខ្លាំងណាស់ ពេលដែលឃើញបរិមាណ cocaine ច្រើនសន្ធឹកសន្ធាប់ដែលបានទាក់ខ្សែអណ្តែតចងភ្ជាប់ជាមួយអណ្តើកនេះ។
អណ្តើកមួយក្បាលនេះត្រូវបានលែងឲ្យមានសេរីភាព បន្ទាប់ពី cocaine ជិត១តោន ត្រូវបានរឹបអូសទុក។ ចំនួនគ្រឿងញៀននេះ តាមតម្លៃទីផ្សារងងឹត គឺប្រមាណ ៥០លានដុល្លារ។
ប្រតិបត្តិការល្បាតនេះស្ថិតក្នុងយុទ្ធនាការ Martillo បំណងធ្វើការបោសសម្អាតក្រុមជួញដូរគ្រឿងញៀនតាមសមុទ្រ ហើយរយៈពេល២ខែ ដែលអនុវត្តយុទ្ធនាការនេះ កងកម្លាំងល្បាតបានចាប់ឃាត់ខ្លួនជនល្មើស ២៤នាក់ រួមនឹងគ្រឿងញៀនតម្លៃ ១៣៥លានដុល្លារ៕ សូយន
