មនុស្សចំនួន ៩នាក់ ត្រូវបានចាប់ខ្លួននៅក្នុងប្រទេសថៃ ដោយសារបានចែកចាយពត៌មានក្លែងក្លាយថា មន្ត្រីបោះឆ្នោតចំនួន ២រូបត្រូវបានបណ្តេញចេញ និងមានការរាប់សន្លឹកឆ្នោតក្លែងក្លាយបញ្ជូលគ្នា។
មន្ត្រីថៃម្នាក់បានថ្លែងនៅថ្ងៃព្រហស្បតិ៍នេះថា មនុស្ស ៩នាក់ត្រូវអាជ្ញាធរចាប់ខ្លួន ដោយសារចែករំលែកពត៌មានក្លែងក្លាយនៅលើហ្វេកបុក ដោយពត៌មានក្លែងក្លាយអ្នកនោះអះអាងថា មន្ត្រីគ្រប់គ្រងការបោះឆ្នោតចំនួន ២រូបត្រូវបានបណ្តេញចេញ និងមានសន្លឹកឆ្នោតខុសច្បាប់ចំនួន ៦០០.០០០ត្រូវបានគេដាក់បញ្ជុលក្នុងការរាប់សន្លឹកឆ្នោត។
ពួកគេត្រូវបានចោទប្រកាន់កាលពីថ្ងៃពុធម្សិលមិញនេះ ពីបទចែកចាយពត៌មានមិនពិត ហើយពួកគេអាចប្រឈមនឹងការជាប់គុករយៈពេល ៥ឆ្នាំ ប្រសិនជារកឃើញមានទោស។
សូមរម្លឹកថា ប្រទេសថៃទើបតែបានរៀបចំការបោះឆ្នោតកាលពីថ្ងៃអាទិត្យសប្តាហ៍នេះ បន្ទាប់ពីរបបយោធាកាន់កាប់ប្រទេសតាំងពីឆ្នាំ ២០១៤មក។
លទ្ធផលផ្លូវការមិនទាន់បានប្រកាសនៅឡើយទេ ប៉ុន្តែគណៈបក្សភឿថៃ ដែលគាំទ្រដោយលោក ថាក់ស៊ីន និងគណបក្ស Palang Pracharat ដែលគាំទ្រដោយរបបយោធា សុទ្ធតែអះអាងពីជម្នះរៀងៗខ្លួន ៕
អត្ថបទប្រែសម្រួលដោយ៖ សុភ័ក្រ
ប្រភព៖ The Nation