ភ្នំពេញ ៖ នៅថ្ងៃទី 27 ខែមីនាឆ្នាំ 2019 ក្រសួងកសិកម្មរុក្ខាប្រមាញ់និងនេសាទបានចេញប្រកាស ស្តីពី ការលុបរោងម៉ាស៊ីនអារ កែច្នៃឈើរបស់ក្រុមហ៊ុន អាំងអេន អាសូស៊ីអេត ឡយឺរ អិលធីឌី ស្ថិតនៅក្នុងឃុំក្បាលរមាស និងឃុំភ្លុក ស្រុកសេសាន ខេត្តស្ទឹងត្រែង។
បើតាមសេចក្តី ប្រកាសលោកវេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបានសម្រេចលុបរោងម៉ាស៊ីនអារឈើនិងកែច្នៃរបស់ក្រុមហ៊ុនអាំងអេន ស្ថិតនៅក្នុងឃុំក្បាលរមាសនិងឃុំភ្លុកស្រុកសេសានខេត្តស្ទឹងត្រែងដោយមូលហេតុការកាប់សំអាតនិងការប្រមូលផលអនុផលព្រៃឈើក្នុងអាងស្តុកទឹកនៃគម្រោងវារីអគ្គិសនីសេសានក្រោម 2 ខេត្តស្ទឹងត្រែងបានបញ្ចប់ទាំងស្រុង។ បើតាមលោករដ្ឋមន្ត្រី្វ ក្រុមហ៊ុនអាំងអេនត្រូវបង់ថ្លៃសួយសារនិងបុព្វលាភចូលថវិការដ្ឋនូវបរិមាណឈើជ្រុងដែលបានប្រមូលរួចសរុបចំនួន 2256 ដុំស្មើនឹង 1418 ម៉ែត្រការ៉េ 744( ប្រភេទលេខ 1 ចំនួន 2 243ដុំស្មើនឹង 1416 ម៉ែត្រការ៉េ 7 21 និងប្រភេទឈើលេខ 2 ចំនួន 13 ដុំស្មើនឹង 2 ម៉ែត្រការ៉េ 023)។ លោករដ្ឋមន្ត្រីបានបញ្ជាក់ថាុ ប្រកាសទាំងឡាយណាដែលផ្ទុយនឹងប្រកាសនេះត្រូវទកជានិរាករណ៍។ ដោយ ៖ កូឡាប
