ក្រចេះ ៖ រថយន្តបាឡែនមួយគ្រឿង បានរេចង្កូតចូលផ្ទះប្រជាពលរដ្ឋបណ្តាលឲ្យស្លាប់មនុស្ស ២ នាក់ និងរបួសស្រាលមនុស្ស ២ នាក់ ។ ឧបទ្ទវហេតុខាងលើបាន កើតឡើងនៅរសៀលថ្ងៃទី ៣ ខែមេសា ឆ្នាំ ២០១៩ ស្ថិតនៅលើផ្លូវជាតិលេខ ៧ ចន្លោះបង្គោលគីឡូម៉ែត្រ លេខ 375-376 ត្រង់ចំណុចភូមិអូរតាណឹងឃុំក្បាលដំរី ស្រុក សំបូរ ខេត្តក្រចេះ ។
មន្ត្រីនគរបាលចរាចរណ៍ខេត្តក្រចេះ បានឲ្យដឹងថា មុនពេលកើតហេតុ មានរថយន្តមួយគ្រឿងម៉ាកកាម៉ារីបាឡែន ពាក់ស្លាកលេខភ្នំពេញ 2AR-5893 ជិះគ្នាបួននាក់ ធ្វើ ដំណើរពីត្បូងទៅជើងពេលមកដល់កន្លែង កើតហេតុបានរេចង្កូតបុកចូលផ្ទះប្រជាពលរដ្ឋបណ្តាលឲ្យស្លាប់២នាក់ និង របួសស្រាល ២ នាក់ ។
ប្រភពដដែលបន្តថា ចំពោះជនរងគ្រោះ និងសាកសព សមត្ថកិច្ចមិនទាន់ស្គាល់អត្តសញ្ញាណនៅឡើយ ។ ក្រោយកើតហេតុសមត្ថកិច្ចបានបញ្ជូនអ្នករបួសទៅមន្ទីរពេទ្យ ចំណែកសាកសពរង់ចាំក្រុមគ្រួសាមកទទួលយកទៅធ្វើបុណ្យតាមប្រពៃណី ៕ ដោយ ៖ កូឡាប