យោធាជើងទឹកអាមេរិក និងកូរ៉េខាងត្បូង បានសហការគ្នាដើម្បីបញ្ជូនសារដ៏ខ្លាំងក្លាមួយដល់កូរ៉េខាងជើង តាមរយៈសមយុទ្ធបង្ហាញភាពអំណត់របស់ពួកគេ។
សមយុទ្ធអូសបន្លាយ៣សប្តាហ៍ ចាប់ផ្តើមនៅ PyeongChang, កូរ៉េខាងត្បូង ពីថ្ងៃទី ៤/១២ ដោយមានការចូលរួមរបស់ទាហានថ្មើរជើងចំណុះយោធាជើងទឹក ម្ខាងៗជាង ២២០នាក់។ ធ្វើវិញ្ញាសារហាត់សម ក្នុងសីតុណ្ហភាពក្រោម ០°C ក្នុងតំបន់ព្រៃភ្នំ។ ពលទាហានទាំងនេះពុំមានពាក់អាវ ហើយត្រូវធ្វើសមយុទ្ធក្នុងល័ក្ខខ័ណ្ឌត្រជាក់ផង ហើយភូមិសាស្ត្រគ្រោះថ្នាក់ផង។
ក្នុងការធ្វើសមយុទ្ធពលទាហានទាំងសងខាងបានបង្ហាញឲ្យឃើញនូវស្មារតីខ្ពស់ ទោះបីជុំវិញគេសុទ្ធសឹងតែផ្ទាំងទឹកកក។
ឧត្តមសេនីយ៍ Jun Jin-goo, មេបញ្ជាការយោធាជើងទឹកកូរ៉េខាងត្បូង បានប្រាប់ដល់ទាហានថ្មើរជើង ចំណុះយោធាជើងទឹកថា ៖ “ប្រិយមិត្តទាំងអស់គ្នាគឺជានិមិត្តរូបនៃសម្ព័ន្ធភាពកូរ៉េអាមេរិក ដ៏រឹងមាំ ដឹកដៃគ្នាឆ្លងកាត់ស្ថានភាពដ៏ត្រជាក់ ក្នុងស្មារតីមិត្តភាព។ ចូរការពារកូរ៉េខាងត្បូងរឹងមាំលើមូលដ្ឋានយុទ្ធមិត្តក្តៅគគុក និងថាមពលប្រយុទ្ធដ៏ក្លៀវក្លារបស់កងទ័ពថ្មើរជើងចំណុះជើងទឹកនៃសម្ព័ន្ធភាពយោធាប្រទេស។
អ្នកនាំពាក្យនៃអង្គភាពយោធាជើងទឹកអាមេរិក ប្រចាំការនៅកូរ៉េខាងត្បូងថ្លែងប្រាប់ទីភ្នាក់ងារព័ត៌មាន Yonhap ថា ៖ “ការហ្វឹកហ្វឺននេះត្រូវបានរៀបចំឡើង ដែលមានគោលដៅចម្បងគឺបង្កើនសមត្ថភាពប្រយុទ្ធរបស់កូរ៉េខាងត្បូង និងកងទ័ពថ្មើរជើងចំណុះយោធាជើងទឹកអាមេរិក ក្នុងល័ក្ខខ័ណ្ឌសង្គ្រាមនៅកូរ៉េខាងជើង ដែលមានសីតុណ្ហភាពថយចុះប្រហែល -20°C។
កងកម្លាំងប្រដាប់អាវុធកូរ៉េខាងត្បូងក៏កំពុងបណ្តុះបណ្តាលកងកម្លាំងជួយគាំទ្រដល់សន្តិសុខនៃអូឡាំពិករដូវរងា PyeongChang សិសិរដូវ៕ ចន្ទ្រា