នៅថ្ងៃទី ២២/១២នេះ សេតវិមានបានប្រកាសផ្លូវការពីការតែងតាំងអ្នកស្រី Susan Thornton ដែលជាអ្នកការទូតជើងចាស់ម្នាក់ ធ្វើជាឧបការីរដ្ឋមន្ត្រីការបរទេសទទួលបន្ទុកអាស៊ីបូព៌ា និងប៉ាស៊ីហ្វិក។
តាមសេចក្តីប្រកាសរបស់សេតវិមាន អ្នកស្រី Susan Thornton ត្រូវបានតែងតាំងតំណែងជាឧបការីរដ្ឋមន្ត្រីការបរទេសទទួលបន្ទុកគោលនយោបាយការទូតសម្រាប់តំបន់អាស៊ីបូព៌ា-ប៉ាស៊ីហ្វិក ។ នេះជាតំណែងជាន់ខ្ពស់របស់ក្រសួងការបរទេសអាមេរិក ដែលត្រូវទុកឲ្យនៅទំនេរជិតមួយឆ្នាំចាប់តាំងពីប្រធានាធិបតីអាមេរិក Trump ឡើងកាន់អំណាចជាផ្លូវការ។
ជាមួយនឹងតួនាទីថ្មីនេះ អ្នកស្រី Thornton នឹងទទួលបន្ទុកដោះស្រាយបញ្ហាក្នុងទំនាក់ទំនងរវាងអាមេរិកជាមួយជប៉ុន ចិន កូរ៉េខាងត្បូង និងបណ្តាប្រទេសទ្វីបអាស៊ីដទៃទៀត។
អ្នកស្រី Susan Thornton បានធ្វើការនៅក្រសួងការបរទេសអាមេរិកពីឆ្នាំ ១៩៩១ ហើយធ្លាប់ទទួលបេសកម្មប្រចាំនៅចិន និងបណ្តាប្រទេសចំណុះអតីតសហភាពសូវៀត។ តាមប្រភពខ្លះៗពីរដ្ឋាភិបាលអាមេរិក អ្នកស្រី Thornton ជាអ្នកការទូតអាមេរិកម្នាក់ មាននិន្នាការគាំទ្រទំនាក់ទំនងជាមួយចិនក្នុងគណបក្សសាធារណរដ្ឋ។
ប្រមុខការទូតអាមេរិក Tillerson ក៏ធ្លាប់សម្តែងការគាំទ្រឲ្យអ្នកស្រី Thornton ធ្វើជាឧបការីរដ្ឋមន្ត្រីក្រសួងការបរទេស តែពេលនោះមានការប្រឆាំងពីសំណាក់សមាជិកមួយចំនួនក្នុងសេតវិមាន។ ការតែងតាំងបេក្ខភាពអ្នកស្រី Thornton តាមច្បាប់អាមេរិកចាំបាច់ត្រូវទទួលបានសច្ចាប័តព្រឹទ្ធសភា៕ សូយន
