អ្នកទោសត្រូវប្រហារជីវិតរូបនេះធ្លាប់បានបើកបររថយន្តបង្កឡើងនូវការស្លាប់របស់មនុស្ស ៣នាក់ តាំងពីឆ្នាំ ២០១៥។
តាម Daily Mail របស់អង់គ្លេសដែលបង្ហោះផ្សាយខ្សែវីដេអូគួរឲ្យរន្ធត់ចិត្ត ខណៈពេលអ្នកទោសប្រហារជីវិតសញ្ជាតិចិនម្នាក់ បានចាប់ឱបកូនស្រីរបស់ខ្លួនមុនពេលចេញទៅទទួលទោសស្លាប់។ ក្មេងស្រីពិតជាតូចណាស់សម្រាប់ដឹងថា នេះជាលើកចុងក្រោយដែលវាជួបឪពុករបស់វា ។
ក្នុងឃ្លីបក្មេងស្រីបានឱបស្អិតឪពុករបស់ខ្លួន -អ្នកទោសប្រហារជីវិតត្រៀមចេញទៅទីលាន -ហើយនិយាយថា “លាពុកសិនហើយណា”។ តាមនោះគឺអ្នកទោសត្រូវប្រហារជីវិតត្រកូល Li បានប្រាប់ទៅអនុរក្សពន្ធនាគារថា ខ្លួនចង់ជួបកូនស្រី និងគ្រួសារជាលើកចុងក្រោយ។ អនុរក្សពន្ធនាគារបានយល់ព្រមតាមសំណូមពរនេះ។ ក្រោយពេលឱកូនស្រីក្នុងដើមទ្រូងអ្នកទោសត្រកូល Li បានយំយ៉ាងខ្លាំង។
Li ក៏បានក្រាបសំពះម្តាយចាស់ ៣ដង មុនគេបញ្ជូនចេញទៅ ម្តាយរបស់អ្នកទោសប្រហារជីវិតរូបនេះ បានស្រវ៉ាឱបកូនរួចក៏ទ្រហោរយំ។ ក្រោយមកអនុរក្សក៏បាននាំ Li ចេញទៅកាន់ទីលានប្រហារជីវិត។
